ખરીદી કરતી વખતે આપણે બધાએ મહામુશ્કેલીનો સામનો કરવો પડે છે. ભારતીયોને પોતાની ફિટિંગ અનુસાર કપડા મળતા નથી. ક્યારેક US તો ક્યારેક UK સ્ટાઈલમાં આપણે કપડાં શોધીએ છીએ. તો ક્યારેક નાનાથી લઈ મોટા કપડાંનો હિસાબ સમજાય છે.
ખરીદી કરતી વખતે કપડાંની સાઈઝમાં મુશ્કેલી અનુભવો છો?
હવે ચિંતા કરતા નહીં, હવે આ જવાબદારી સરકાર ઉઠાવશે
દેશમાં ચાલી રહ્યો છે કપડાંની સાઈઝ શોધવાનો સર્વે
ઓનલાઈન શોપિંગમાં કપડાંમાં સ્ટાઈલની સમસ્યા
ઓનલાઈન શોપિંગ કરતી વખતે આ સમસ્યા વધુ મોટી થાય છે. એક બ્રાન્ડની સ્મોલ સાઈઝ, બીજી બ્રાન્ડની મીડિયમ અને ત્રીજી બ્રાન્ડના મોટા કપડાં ફિટ થાય છે. ઘણી વખત તો અમુક કપડાં પરફેક્ટ થતાં નથી અને આપણે સમાધાન કરવુ પડે છે. કારણકે કપડાં તો પસંદ છે. પરંતુ તે ભારતીય ડ્રેસકોડ મુજબ બનાવ્યાં નથી. પરંતુ હવે આવુ નહીં થાય. ભારતમાં રેડિમેડ કપડાંનું માર્કેટ હવે ઈન્ડિયન સ્ટાઈલ અનુસાર બદલાવા જઈ રહ્યું છે.
કાપડ મંત્રાલય અને NIFTની પહેલ
શું 135 કરોડ લોકોને દેશમાં નક્કી કરવામાં આવતી કપડાંની સાઈઝમાં સમાવેશ કરવો શક્ય છે. આ સવાલનો જવાબ તપાસવાની જવાબદારી હવે કાપડ મંત્રાલયે ઉઠાવી છે. ઉલ્લેખનીય છે કે, ભારતની ડિઝાઈન ઈન્ડસ્ટ્રીની સાથે મળી દેશના 25 હજાર લોકો પર એક સર્વે કરવામાં આવી રહ્યો છે અને ભારતમાં ચાલતી કપડાંની સાઈઝ શોધવાની કવાયત આરંભી દીધી છે. કાપડ મંત્રાલય અને નેશનલ ઈન્સ્ટીટ્યુટ ઓફ ફેશન એન્ડ ટેકનોલોજીએ મળીને ભારતીયોને ગમતા માપ શોધવાની તપાસમાં લાગ્યા છે. ઉલ્લેખનીય છે કે, 2019માં શરૂ થયેલા આ પ્રોજેક્ટ કોરોનાના કારણે રોકાઈ ગયો હતો. પરંતુ હવે દિલ્હીથી સર્વેની શરૂઆત થઈ ગઈ છે.
6 શહેરોમાંથી શોધાશે કપડાંની સાઈઝ
દેશના 6 અલગ-અલગ શહેરોમાં લોકોને કપડાના માપ લઈને સમજાવવામાં આવશે કે કેવીરીતે ભારતીયોના પોષાક અનુસાર તેની સાઈઝ બનાવવામાં આવે. દિલ્હી સિવાય મુંબઈ, ચેન્નઈ, હૈદ્રાબાદ, કલકત્તા અને શિલાંગમાં આ સર્વે કરવામાં આવશે. આ શહેર એટલા માટે પસંદ કરવામાં આવ્યું છે, કારણકે રાજ્યોના હિસાબ મુજબ ભારતમાં કદ પ્રમાણે કપડાનો હિસાબ બદલાઈ જાય છે.