કુદરતે વિશ્વમાં એવાં અનેક જીવ-જંતુઓ બનાવ્યાં છે જે અન્ય જીવો કરતા ખૂબ અલગ હોય છે. આજે અમે તમને આવાં જ કેટલાંક જીવોને વિશે જણાવવા જઈ રહ્યાં છીએ. જેનું લોહી લાલ રંગનું નથી પરંતુ અન્ય જ કોઈ રંગનું હોય છે. તમને આ સાંભળીને નવાઇ લાગશે પરંતુ તે બિલકુલ સત્ય છે કે કુદરતમાંથી બનાવેલા કેટલાંક જીવો લાલ રંગની જગ્યાએ વાદળી, લીલો અથવા પીળો હોય છે. ત્યારે અમે તમને જણાવીશું કે આ કયા જીવો છે કે જેમનાં લોહીનો રંગ લાલ નથી.
ખરેખર, ઓક્ટોપસ (Octopus) એ એક દરિયાઇ જીવ (sea creatures) છે. જેને અનેક દેશોમાં લોકો ખાતા હોય છે. ઓક્ટોપસમાં આઠ પગ હોય છે. જ્યારે તેને કાપવામાં આવે છે ત્યારે તેમાંથી જે લોહી નીકળે છે તેનો લોહીનો રંગ લાલ નથી, પરંતુ વાદળી છે. આની પાછળનું કારણ એ છે કે ઓક્ટોપસનાં લોહીમાં તાંબાનું પ્રમાણ વધારે છે, જેથી તેનાં લોહીનો રંગ વાદળી થઈ જાય છે.
ઓક્ટોપસ સિવાય આવા અનેક એવાં દરિયાઇ જીવો હોય છે કે જેનાં લોહીનો રંગ પણ લાલ નથી હોતો. આ દરિયાઇ જીવનું નામ 'સી-કકમ્બર' છે. આ જોવામાં લીલા રંગનું લાગે છે પરંતુ આનાં લોહીનો રંગ પીળો હોય છે. વૈજ્ઞાનિકો પણ આ રહસ્ય વિશે જાણી શક્યાં નથી કે આનાં લોહીનો રંગ આખરે પીળો કેમ હોય છે.
આ સિવાય પીનટ વૉર્મ પણ એક અનોખો જીવ છે કે જે એક કીડો છે અને આનાં લોહીનો રંગ પણ લાલ નથી હોતો કેમ કે જાંબલી રંગનું હોય છે. હકીકતમાં પીનટ વોર્મનાં શરીરમાં હિમોરિથરીન નામનાં પ્રોટીનનું જ્યારે ઓક્સીકરણ હોય છે તો તેનો રંગ જાંબલી અને ક્યારેક-ક્યારેક ગુલાબી પણ થઇ જાય છે.
ઉપરાંત ન્યૂ ગિનિયા નામનાં એક કાચિંડાનાં લોહીનો રંગ પણ લાલ નથી હોતો. ન્યૂ ગિનિયા કાચિંડાનાં લાલ રંગને બદલે લીલા રંગનું હોય છે. જેને ધ્યાનમાં રાખતા આ કાચિંડાની માંસપેશીઓ અને જીભ પણ લીલી હોય છે.