પ્રમોદ મિત્તલ, દુનિયાના સૌથી ધનાઢ્ય સ્ટીલ ઇન્ડસ્ટ્રીના ઉદ્યોગપતિ લક્ષ્મી મિત્તલના સગા ભાઈ, અત્યારે 2.5 અબજ પાઉન્ડ એટલે કે આશરે 25 હજાર કરોડના દેવામાં ફસાયા છે.
આ અહેવાલ ઇન્ડિયા ટુડેમાં પ્રકાશિત થયો છે.
સગા સંબંધીઓ પાસેથી કરોડો પાઉન્ડનું દેવુ
64 વર્ષીય પ્રમોદ આશરે 170 મિલિયન પાઉન્ડ તેના 94 વર્ષના પિતાના, 2.4 મિલિયન પાઉન્ડ તેના 30 વર્ષના પુત્ર દિવ્યેશના, 1.1 મિલિયન પાઉન્ડ તેની પત્ની સંગીતાના અને 1.1 મિલિયન પાઉન્ડ તેના સાળા અમિત લોહિયાના દેવા હેઠળ છે.
અત્યારે પ્રમોદ પાસે કોઈ આવકનો સ્ત્રોત નથી પણ તે 66 હજાર પાઉન્ડના શેર, 7000 પાઉન્ડની જ્વેલરી અને 45 મિલિયન પાઉન્ડ જેટલી ભારતમાં પ્રોપર્ટીનો માલિક છે. તેણે કહ્યું કે તેનું પારિવારિક ઘર એક ઓફશોર કંપનીને હસ્તક છે જેમાં તેનો કોઈ આર્થિક ભાગ નથી.
પોતાની ભવ્ય જીવનશૈલી માટે જાણીતા
પ્રમોદ આ સ્થિતિમાં પણ પોતાની ખર્ચાળ અને ભવ્ય જીવનશૈલી માટે જાણીતો છે. પ્રમોદે 2013માં તેની પુત્રી સૃષ્ટિના લગ્નમાં 50 મિલિયન પાઉન્ડ ખર્ચ્યા હતા જે લક્ષ્મી મિત્તલએ 2004માં તેની પુત્રી વનિષાના લગ્નમાં ખર્ચેલ રૂપિયા કરતા કરતા 10 મિલિયન વધુ છે.
અહેવાલ પ્રમાણે લક્ષ્મી મિત્તલ તેમના ભાઈને આ વખતે કોઈ આર્થિક સહાય કરવાના નથી. નોંધનીય છે કે પ્રમોદની આર્થિક સ્થિતિ 2006માં બગડવાની શરુ થઇ હતી જયારે તેણે એક બોસ્નિયાની કોક બનાવતી કંપની GIKILના લોનના જામીન તરીકે એટલે કે guarantor of debts તરીકે સહી કરી હતી.
દર પાઉન્ડ દીઠ 0.18 પેન્સ જેટલી રકમ ચૂકવવાની મંજૂરી માંગી
GIKIL પેમેન્ટ કરવામાં નિષ્ફ્ળ જતા આ રેલો પ્રમોદ પાસે આવ્યો હતો જેમાં તેને જજ કેથરીન બર્ટનએ જૂન 2020માં 13 કરોડ પાઉન્ડ ભરવાનો હુકમ કર્યો હતો.
આ સામે દેવાળિયા થઇ ગયેલા પ્રમોદે દર પાઉન્ડ દીધી 0.18 પેન્સ જેટલી રકમ ચૂકવવાની મંજૂરી માંગી છે.