અંતરિક્ષ / VIDEO : નાસાએ અંતરિક્ષમાં મોકલ્યું અત્યાર સુધીનું સૌથી શક્તિશાળી જેમ્સ વેબ ટેલિસ્કોપ, બ્રહ્માંડના રહસ્યો ઉકેલશે

• અંતરિક્ષ વિજ્ઞાનના ક્ષેત્રમાં વૈજ્ઞાનિકોની મોટી સફળતા
• નાસાએ સૌથી મોટું શક્તિશાળી ટેલિસ્કોપ જેમ્બ વેબ લોન્ચ કર્યું
• બ્રહ્માંડના વણઉકેલ્યા રહસ્યોની જાણકારી મેળવશે
• 10 હજાર વૈજ્ઞાનિકોએ દિનરાતની મહેનતથી આ ટેલિસ્કોપ તૈયાર થયું

શનિવારે ભારતીય સમયાનુસાર 5.50 વાગ્યે ફ્રેન્ચ ગુએના સ્થિત કોરોઉ લોન્ચ સ્ટેશન પરથી એરિયન-5 ઈસીએ રોકેટના માધ્યમથી જેમ્બ વેબ ટેલિસ્કોપનું લોન્ચિંગ કરાયું હતું. જેમ્સ વેબ ટેલિસ્કોપને 15 લાખ કિમીની ઊંચાઈએ સ્થાપિત કરાયું હતું. લગભગ 10 હજાર વૈજ્ઞાનિકોએ દિનરાતની મહેનતથી આ ટેલિસ્કોપ તૈયાર થયું છે. 

#WATCH | James Webb Space Telescope, the largest & most powerful space telescope ever constructed successfully lifts-off: NASA

(Video Source: NASA) pic.twitter.com/7pRwEF5okY

— ANI (@ANI) December 25, 2021

આકાશમાં હાલમાં તહેનાત હબલ ટેલિસ્કોપનું સ્થાન લેશે 
નાસાએ યુરોપીય અને કેનેડાની સ્પેસ એજન્સીની મદદથી શનિવારે અત્યાર સુધીનું સૌથી મોટું ટેલિસ્કોપ જેનું નામ છે જેમ્સ વેબ ટેલિસ્કોપ સફળતાપૂર્વક લોન્ચ કર્યું છે. જેમ્સ વેબ લોન્ચ થયા બાદ હવે તે આકાશમાં પહેલેથી તહેનાત હબલ ટેલિસ્કોપનું સ્થાન લેશે. 

બ્રહ્માંડમાં જઈને શું કરશે ટેલિસ્કોપ
વોશિંગ્ટન સ્થિત નાસા મુખ્યાલયમાં આ પ્રોગ્રામના ડિરેક્ટર ગ્રેગરી એલ રોબિન્સને જણાવ્યું કે જેમ્સ વેબ ટેલિસ્કોપ આપણી સોલર સિસ્ટમના રહસ્યો ઉકેલવામાં મદદ કરશે. આ ટેલિસ્કોપ બીજી દુનિયા અને સ્ટાર્સ અંગે પણ જાણકારી મેળવીને આપણેને આપશે. આપણા બ્રહ્માંડના રહસ્યો અને તેની ઉત્તપ્તિ અંગે પણ જાણકારી મેળવશે. આકાશમાં તહૈનાત થનારા આ ટેલિસ્કોપ બ્રહ્માંડના વણઉકેલ્યા રહસ્યો, આકાશગંગાઓ, એસ્ટેરોઈડ, બ્લેક હોલ્સ અને સૌર  મંડળ વગેરેની જાણકારી મેળવવામાં નાસાને સહાય કરશે. 

જેમ્સ વેબ ટેલિસ્કોપ બનાવવામાં 73,616 કરોડ ખર્ચાયા
જેમ્સ વેબ ટેલિસ્કોપને બનાવવામાં નાસાને  73,616 કરોડ ખર્ચ થયો છે જોકે નાસાને તેનું વળતર પણ મળી જવાનું છે. કારણ કે અત્યંત દૂર ધૂંધળા તારા અને આકાશગંગાને જોવામાં પણ સક્ષમ છે. 

Here it is: humanity’s final look at @NASAWebb as it heads into deep space to answer our biggest questions. Alone in the vastness of space, Webb will soon begin an approximately two-week process to deploy its antennas, mirrors, and sunshield. #UnfoldTheUniverse pic.twitter.com/DErMXJhNQd

— NASA (@NASA) December 25, 2021

જેમ્સ વેબ ટેલિસ્કોપની વિશેષતા
- અત્યંત દૂર ધૂંધળા તારા અને આકાશગંગાને જોઈ શકે છે
- ખરાબ થતા પૃથ્વી પરથી રિપેર થઈ શકશે
- બ્રહ્માંડના વણઉકેલ્યા રહસ્યો પરથી પરદો ઊંચકી શકશે
- પૃથ્વીથી 15 લાખ કિમીની ઊંચાઈએ સ્થાપિત કરાયું 
-હબલ ટેલિસ્કોપનું સ્થાન લેશે
- જેમ્સ વેબ ટેલિસ્કોપને બનાવવામાં નાસાને  73,616 કરોડ ખર્ચ થયો