GOOD NEWS / દુનિયાની સૌથી લાંબા અંતરની નોન સ્ટોપ ફ્લાઈટ: 19 કલાકની મુસાફરી કરશે, આ રૂટ પર શરૂ થશે ફ્લાઈટ

• દુનિયાની સૌથી લાંબા અંતરની ફ્લાઈટ
• 19 કલાકમાં પુરુ કરશે આ અંતર
• આ રૂટ પર શરૂ થઈ રહી છે ફ્લાઈટ

Qantas એરલાયને સોમવારે દુનિયાની સૌથી લાંબી નોન સ્ટોપ કોમર્શિયલ ફ્લાઈટ શરૂ કરવાની જાહેરાત કરી છે. આ સર્વિસ 2025ના અંત સુધીમાં શરૂ થશે. આ હવાઈ મુસાફરી સિડનીથી લંડન સુધીની હશે, જેમાં મુસાફરોને ફ્લાઈટમાં 19 કલાક વિતાવવા પડશે. લાંબા અંતરના કારણે તેમા કેટલીય ખાસ સુવિધાઓ પણ મળશે.

પાંચ વર્ષના પ્લાનિંગ બાદ,એરલાઈને કહ્યું કે, આ પ્રોજેક્ટ સનરાઈઝ માટે તેણે 12 એરબસ એ 350-1000 વિમાનનો ઓર્ડર આપ્યો છે. આ ફ્લાઈટ લંડન અને ન્યૂયોર્ક માટે પણ હશે. વર્ષ 2025ના અંત સુધીમાં સિડનીથી નોન સ્ટોપ ઉડાન ભરશે. આગળ જતાં તેમાં મેલબર્નને પણ સામેલ કરવાની યોજના બનાવી છે. 

એક નિવેદન અનુસાર ક્વાંટાસના અધ્યક્ષ એલન જોયસે કહ્યું કે, નવા પ્રકારના વિમાન નવી વસ્તુઓને સંભવ બનાવે છે. એ 350 અને પ્રોજેક્ટ સનરાઈઝ કોઈ પણ શહેરને ઓસ્ટ્રેલિયાથી ફક્ત એક ફલાઈટ દૂર કરી દેશે.

ટેસ્ટીંગ ફ્લાઈટ સફળ રહી

ક્વાંટાસે 2019માં લાંબા અંતરની ફ્લાઈટ માટે લંડન-સિડની ટ્રેક પર ટેસ્ટિંગ ફ્લાઈટ શરૂ કરી હતી. આ 17,800 કિમીનુું અંતર પાર કરીને 19 કલાક અને 19 મીનિટ લાગે છે. તેજ સમયે ન્યૂયોર્ક-સિડનીની એક ટેસ્ટિંગ ફ્લાઈટમાં 16,200 કિમી અંતર પાર કરવામાં 19 કલાકથી થોડો વધારે સમય લાગે છે. ક્વાંટાસ પહેલા જ 14,498 કિમીની પર્થ લંડન યાત્રા સંચાલિત કરે છે, જેમાં 17 કલાકનો સમય લાગે છે. 

આરામ મુજબ ડિઝાઈન 

કંપનીના જણાવ્યા અનુસાર કેબિનને વિશેષ રીતે લાંબા અંતરની ફ્લાઈટ માટે વધારે આરામદાયક બનાવાના હેતુંથી ડિઝાઈન કરવામાં આવી છે. નવા એ 350 વિમાન 238 મુસાફરો માટે કોન્ફિંગર કરવામાં આવ્યું છે. તેમાં ફર્સ્ટ ક્લાસ માેટ સુઈટમાં એક અલગ બેડ, ઢળતી ખુરશી અને તિજોરી આપવામાં આવી છે. તે જ સમયે ક્વાંટાસે પુષ્ટિ કરી છે કે, એરબસમાં 40 A321 XLR અને A220 વિમાન પણ મગાવી રહ્યા છે. આ ઉપરાંત તેમાં 2034ના અંત સુધીમાં 94 અન્ય વિમાનોના વિકલ્પે ખરીદે છે.