ઈલેક્ટ્રીક વેહીકલ કંપની બીવાઈડી ટૂંક સમયમાં ભારતીય માર્કેટમાં એન્ટ્રી કરી શકે
ફેસ્ટિવલ સિઝનમાં ભારતીય માર્કેટમાં ઈલેક્ટ્રીક એસયુવી લોન્ચ કરશે
બીવાઈડીનુ વેચાણનો આંકડો 6.4 લાખ રહ્યો હતો
જાન્યુઆરી-જૂન 2022 દરમ્યાન ટેસ્લાએ જ્યા 5.6 લાખ ઈવીનુ વેચાણ કર્યુ હતુ. તો બીવાઈડીનુ વેચાણનો આંકડો 6.4 લાખ રહ્યો હતો. વૉલ્યુમની દ્રષ્ટિએ વિશ્વની સૌથી મોટી ઈલેક્ટ્રીક વેહીકલ કંપની બીવાઈડી ટૂંક સમયમાં ભારતીય માર્કેટમાં એન્ટ્રી કરી શકે છે. ભારતમાં ઈલેક્ટ્રીક કારનુ માર્કેટ ઝડપથી વધી રહ્યું છે. સરકારી પ્રોત્સાહન અને વધતી જાગૃતિને કારણે ભારતમાં ઈલેક્ટ્રીક કારનુ વેચાણ સતત વધી રહ્યું છે. જેના કારણે પહેલાથી રહેલ કંપનીઓ પણ નવા ઈલેક્ટ્રીક વાહન લોન્ચ કરી રહી છે અને અનેક નવી કંપનીઓ ભારતીય માર્કેટમાં એન્ટ્રી કરી રહી છે. ચીનની કાર કંપની બીવાઈડી પણ હવે આ યાદીમાં સામેલ થવાની છે.
ટેસ્લાથી વધુ વેચાય છે બીવાઈડીની ઈલેક્ટ્રીક કાર
મહત્વનું છે કે બીવાઈડીમાં દિગ્ગજ ઈન્વેસ્ટર વારેન બફેટે પણ રૂપિયા લગાવ્યાં છે. ચીનની આ કંપનીએ હાલમાં એલન મસ્કની ઈલેકટ્રીક વેહીકલ કંપની ટેસ્લાને પાછળ ધકેલી છે. જાન્યુઆરી-જૂન 2022 દરમ્યાન ટેસ્લાએ જ્યા 5.6 લાખ ઈવીનુ વેચાણ કર્યુ હતુ. તો બીવાઈડીનુ વેચાણનો આંકડો 6.4 લાખ રહ્યો હતો. આ કંપનીની યોજના ભારતમાં એક પ્લાન્ટ લગાવવાની પણ છે. કંપની અત્યારે ચેન્નઈની પાસે શ્રીપેરૂમ્બુદુરમાં સ્થિત અસેમ્બલિંગ પ્લાન્ટમાં પોતાિની કાર અસેમ્બલ કરશે. બાદમાં તે મેન્યુફેેક્ચરિંગ પ્લાન્ટ લગાવવાની શક્યતાઓ પર વિચાર કરશે. આ ઉપરાંત કંપની આગામી ફેસ્ટિવલ સિઝનમાં ભારતીય માર્કેટમાં એક ઈલેક્ટ્રીક એસયુવી પણ લોન્ચ કરવાની તૈયારીમાં છે.