કોરોના વાયરસ / ભારતના આ શહેરમાં 2 વર્ષના બાળકો પર કોરોનાની રસીનું દુનિયામાં પહેલુ ટ્રાયલ

• નાની ઉંમરના બાળકો પર દુનિયાનું પહેલુ ટ્રાયલ 
• રસી લગાવવાના 45 મિનિટ સુધી બાળકોને ઓબ્જર્વેશનમાં રાખવામાં આવ્યા 
• આવતા મહિને નેઝલ સ્પ્રે આવવાની આશા 

નાની ઉંમરના બાળકો પર દુનિયાનું પહેલુ ટ્રાયલ 

કોરોનાથી બચવા માટે 2 વર્ષથી 6 વર્ષના બાળકો પર દુનિયાનું પહેલુ ટ્રાયલ કાનપુરમાં થશે. હજું સુધી આ ઉંમરના બાળકો પર કારોનાની રસીના ટ્રાયલ નથી થયા. ભારત બાયોટેકની સ્વદેશી રસી કોવાક્સિનના બાળકો પર ટ્રાયલ શરુ કરવામાં આવ્યા છે.  ત્યારે 6 થી 12 વર્ષ અને 12થી 18 વર્ષના ગ્રુપના બાળકોએ રસી લાગી છે. આશા વ્યક્ત કરાઈ રહી છે કે આવતા મહિને કોવાક્સિનો નોઝલ સ્પે પણ આવી રહ્યો છે. 

કોવેક્સિનનું બાળકો પર ટ્રાયલ મંગળવારથી શરુ થઈ ગયું છે

આર્યનગર સ્થિત પ્રખર હોસ્પિટલમાં કોવેક્સિનનું બાળકો પર ટ્રાયલ મંગળવારથી શરુ થઈ ગયું છે. બાળકોને 2 વર્ષથી 6 વર્ષ ,  6 થી 12 વર્ષ અને 12થી 18 વર્ષના એમ ત્રણ ગ્રુપમાં વહેંચવામાં આવ્યા છે.  પહેલા દિવસે 12થી 18 વર્ષના 40 બાળકોનું સ્ક્રીનિંગ કરવામાં આવ્યુ છે. 20 યોગ્ય જણાયા હતા જેમને આ રસી લગાવી દેવાઈ છે. 

રસી લગાવવાના 45 મિનિટ સુધી બાળકોને ઓબ્જર્વેશનમાં રાખવામાં આવ્યા 

આ બાદ બુધવારે 2થી 12 વર્ષના  10 બાળકોનું સ્ક્રિનિંગ કરવામાં આવ્યુ. જેમાંથી 5ને રસી લગાવાઈ છે. રસી લગાવવાના 45 મિનિટ સુધી બાળકોને ઓબ્જર્વેશનમાં રાખવામાં આવ્યા છે. તમામ સામાન્ય રહ્યા. ફક્ત 2 બાળકોને ઈન્જેક્શન લગાવ્યાની જગ્યાએ થોડીક લાલાશ આવી હતી. આ સ્થિતિ સામાન્ય છે.

2 વર્ષના બાળકો પર કોરોના રસીનું દુનિયામાં પહેલું ટ્રાયલ છે

ટ્રાયલના ચીફ ઈન્વેસ્ટીગેટર વરિષ્ઠ બાળરોગના વિશેષજ્ઞ અને પૂર્વ ડીજીએમઈ પ્રોફેસર વીએન ત્રિપાઠીએ જણાવ્યું કે 2 વર્ષના બાળકો પર કોરોના રસીનું દુનિયામાં પહેલું ટ્રાયલ છે. આની પહેલા આટલા નાના બાળકો પર ટ્રાયલ નથી કરવામાં આવ્યું. તેમણે જણાવ્યું કે હવે નેક્સ વારો 6થી 2 વર્ષના ગ્રુપના બાળકોનો છે.

આ શહેર બન્યુ બાળકોની રસીનું હબ

મોટા લોકોમાં રસીના ટ્રાયલનું પણ આ શહેર હબ રહ્યું છે. કોવેક્સિન ઉપરાંત રશિયાની રસી સ્પૂતનિક અને ઝાયડસ કેડિલાની રસીના ટ્રાયલ થયા હતા. હવે બાળકોની રસીના મામલામાં કોવેક્સિન બાદ બીજી કંપનીઓ પોતાની રસીના ટ્રાયલની યોજના બનાવી રહી છે.  આ સાથે આવતા મહિને નેઝલ સ્પ્રે આવવાની આશા છે. નેઝલ સ્પ્રે કોવેક્સિનનો હશે. સ્પ્રેને ગેમ ચેન્જર મનાઈ રહ્યો છે.