ટેક્નોલોજી / આ છે દુનિયાનું પ્રથમ પારદર્શક ટીવી, ત્રણ અલગ-અલગ મોડમાં થઇ શકે ઉપયોગ

પેનાસોનિકે તેને સ્વિસ ફર્નિચર બ્રાંડ વિતરા સાથે મળીને ડિઝાઇન કર્યું છે. તેને એક લાકડાની ફ્રેમમાં ફિટ કરાયું છે. ઉપયોગમાં ન લેવાય ત્યારે તેને લિવિંગરૂમમાં સજાવી શકાય છે. 
આ ટીવીને ઓન કરતાં તેની સ્ક્રીન વિવિડ OLED ડિસ્પ્લેમાં ફેરવાઇ જાય છે. તેનાં ટેક્નોલો‌જિકલ કોમ્પોનન્ટને સુંદરતાથી વુડન ફ્રેમમાં ફિટ કરાયા છે. વુડન ફ્રેમ ટીવીના સ્ટેન્ડના રૂપમાં કામ કરે છે. તેનાં લાઇટિંગ એલિમેન્ટ યુઝરને બહેત‌રીન અનુભવ આપે છે.

પેનાસોનિક અને વિતરાએ લગભગ બે વર્ષ સુધી આ આઇડિયા અને ટેક્નોલોજી પર એમ વિચારીને કામ કર્યું કે કેવી રીતે ઓડિયો-વિઝ્યુઅલ ડિવાઇસને લિવિંગરૂમમાં સજાવી શકાય. આર્ટ અને ડિઝાઇનનો આ ઉત્કૃષ્ટ નમૂનો છે. પેનાસોનિકે પોતાનાં આ ઇનોવેશનને મિલાન ડિઝાઇન વીક-૨૦૧૯નાં છેલ્લાં દિવસે રજૂ કર્યું હતું. કંપનીએ એ જણાવ્યું ન હતું કે તેને બજારમાં ક્યારે ઉતારાશે. મિલાન ડિઝાઇન વીકમાં એલજીએ પણ દુનિયાનાં પહેલાં રોલ થતાં ટીવી સિગ્નેચર OLED ટીવી-આરને રજૂ કર્યું હતું. કંપનીએ તેને ડિઝાઇન ફર્મ ફોસ્ટર પ્લસ સાથે મળીને ડિઝાઇન કર્યું હતું. રોલ થતાં આ ટીવીનો ત્રણ અલગ-અલગ મોડમાં ઉપયોગ કરી શકાય છે.