નવી સિદ્ધિ / હવે સૂંઘીને પણ લઈ શકો છો કોરોનાની વેક્સિન, ઇમરજન્સી ઉપયોગની મંજૂરી પણ મળી ગઈ

• નાકથી લેવાથી કોરોના રસીને મંજુરી 
• ચીનની કેનસિનો કંપનીએ વિકસિત કરી
• આ રસીને મંજુરી આપતો પ્રથમ દેશ ચીન

વિશ્વમાં પહેલીવાર કોરોના વાયરસ માટે સુંઘવાની રસી તૈયાર કરવામાં આવી છે. ચીને કેનસિનોની Ad5-nCoVને પણ ઇમરજન્સી ઉપયોગ માટે મંજૂરી આપી દીધી છે. આ રસીની સુંઘવાથી કોરોનાને સુરક્ષિત કરી શકાય છે. કોવિડ -19 રસીને ચીન તિયાનજિન સ્થિત કેનસિનો બાયોલોજિક્સ ઇન્ક દ્વારા વિકસિત કરવામાં આવી છે. આ દુનિયાની પહેલી વેક્સીન છે, જે શ્વાસ દ્વારા રક્ષા કરે છે. ચીન પણ તેના ઉપયોગને મંજૂરી આપનાર પ્રથમ દેશ બની ગયો છે.

કંપનીના શેરમાં 14.5 ટકાનો ઉછાળો
આને કારણે હોંગકોંગમાં રસી બનાવતી કંપનીના શેરમાં સોમવારે સવારે 14.5 ટકાનો ઉછાળો જોવા મળ્યો હતો. ચીનના નેશનલ મેડિકલ પ્રોડક્ટ્સ એડમિનિસ્ટ્રેશને કેનસિનોના Ad5-nCoVને બુસ્ટર રસી તરીકે ઇમરજન્સી ઉપયોગ માટે મંજૂરી આપી દીધી છે, એમ કંપનીએ રવિવારે હોંગકોંગ સ્ટોક એક્સચેંજને આપેલા એક નિવેદનમાં જણાવ્યું હતું. કેનસિનોની રસી શ્રેણીમાં સિંગલ-ડોઝ રસીનું આ નવું સંસ્કરણ છે. પ્રથમ સંસ્કરણનું માર્ચ 2020 માં માનવ પરીક્ષણ કરવામાં આવ્યું હતું અને ફેબ્રુઆરી 2021 માં તેનો ઉપયોગ ચીન તેમજ મેક્સિકો, પાકિસ્તાન, મલેશિયા અને હંગેરીમાં કરવામાં આવ્યો હતો. કેનસિનોનો દાવો છે કે સૂંઘવાની રસી સેલ્યુલર રોગપ્રતિકારક શક્તિમાં વધારો કરે છે. ટ્રામસ્ક્યુલર ઇન્જેક્શન વિના રક્ષણને પ્રોત્સાહન આપવા માટે મ્યુકોસલ રોગપ્રતિકારક શક્તિમાં પણ વધારો કરે છે.

ઘણી કંપનીઓએ પહેલા વિચાર કર્યો હતો 
ઘણી કંપનીઓ કોરોનાવાયરસ સામે રક્ષણ મેળવવા માટે નાકથી લેવાતી અને એન્ટિબોડીઝને અસર કરતી રસીઓ વિકસાવવાની વિચારણા કરી રહી છે. આ રસીઓ ઇન્જેક્શન મુક્ત હોવાને કારણે વધુ લોકોને આકર્ષિત કરશે કારણ કે ઘણા લોકો ઇન્જેક્શન લેવામાં અચકાતા હોય છે. આનાથી કોવિડ વોરિયર્સ પરનું દબાણ પણ હળવું થવાની સંભાવના છે.

ગંભીર રોગ સામે 91% અસરકારક 
કેનસિનોની પ્રારંભિક એક-શોટ રસી કોવિડ -19 ના લક્ષણોને રોકવામાં 66% અને ગંભીર રોગ સામે 91% અસરકારક હોવાનું જણાયું છે. તે ચીનની બહાર ઉપયોગમાં લેવાતી સિનોવેક બાયોટેક લિમિટેડ અને સરકારી માલિકીની સિનોફર્મ ગ્રુપ કંપનીની રસીથી પાછળ છે. ચીન દ્વારા દુનિયાને મોકલવામાં આવેલા 770 મિલિયન ડોઝમાંથી મોટા ભાગના આ બંને કંપનીઓની રસી છે.