ઑટો / દુનિયાની સૌથી પહેલી હવામાં ઉડતી કારને મળી ગઈ સરકારની આ મંજૂરી, કિંમત અને ટોપસ્પીડ જાણી ચોંકી જશો

• દુનિયાની પહેલી ઉડતી કારને મળી ગઈ મંજૂરી 
• હવે આ કાર પ્લેટ લગાવીને ચલાવી શકાશે 
• માત્ર 9 જ સેકંડમાં તે શૂન્યથી 100 કિમી/કલાક સુધીની સ્પીડ પકડી શકે છે 

PAL-V Liberty : 

હવે હવામાં ઉડતી કાર હકીકતમાં જોવા મળે તો નવાઈ નહીં કારણ કે એક ડચ કંપનીએ દુનિયાની પહેલી ઉડતી કારની જાહેરાત કરી દીધી છે અને યુરોપમાં સરકારે તેને મંજૂરી પણ આપી દીધી છે. આ કારને PAL-V Liberty નામ આપવામાં આવ્યું છે. દુનિયાભરમાં હવામાં ઉડતી કારનું સપનું જોઈ રહેલા લોકો માટે આ ખુશખબર સમાન છે. જોકે શરૂઆતમાં આ કારને કૉમર્શિયલ વાહનના રૂપમાં જ પ્રયોગ કરવામાં આવશે. 

કારે બધા ટેસ્ટ પાસ કર્યા 

નોંધનીય છે કે આ કારે હાલમાં યુરોપમાં રોડ ટેસ્ટ પાસ કર્યા છે. જે બાદ આધિકારિક પ્લેટની સાથે આ કારને ચલાવવાની મંજૂરી આપી દેવામાં આવી છે. નોંધનીય છે કે આ કારના ટ્રાયલનું આયોજન ફેબ્રુઆરી 2020થી સતત કરવામાં આવી રહ્યું હતું જેમાં હાઈ સ્પીડ બ્રેક અને ધ્વની પ્રદૂષણના ટેસ્ટ પણ સામેલ છે. આ કારને પ્રોટોટાઈપના રૂપમાં સૌથી પહેલા 2012માં ઉડાવવામાં આવી હતી જે બાદથી જ તેના પર કામ કરીને ટેસ્ટ કરવામાં આવી રહ્યા છે. 

કિંમત અને ફિચર્સ : 

આ કારની કિંમત આશરે 2.52 કરોડ રૂપિયા રહેશે ( ટેક્સ વગર ). આ કારને 2015માં તેને EASAનું સર્ટીફીકેશન આપવામાં આવ્યું છે જેને 2022 સુધી ફાઈનલ કરવામાં આવશે. જે બાદ આ પ્રોડક્ટની ડિલીવરી પણ શરુ કરી શકાશે. 

આ કારમાં ડબલ એન્જિનનો ઉપયોગ કરવામાં આવ્યો છે. એક સમયમાં બે લોકો તેમાં સવારી કરી શકે છે. કંપનીએ કહ્યું તે અનુસાર તેની ટોપ સ્પીડ 160 કિમી પ્રતિ કલાક છે અને માત્ર 9 જ સેકંડમાં તે શૂન્યથી 100 કિમી/કલાક સુધીની સ્પીડ પકડી શકે છે. આ કાર એકવારમાં 1315 કિમી ઉડી શકે છે. 

All Photos Credit :pal-v.com