ટેલિવિઝનની બોલિવુડ સુધી સફર કરનારી મોની રૉયે તાજેતરમાં સોશ્યલ મીડિયા પર વીડિયો શૅર કર્યો છે. આ વીડિયોમાં તે યોગા આસાનની પ્રેક્ટિસ કરી રહી છે.
મોનીએ આ વીડિયો સોશ્યલ મીડિયા પર અપલોડ કરતાની સાથે જ ગણતરીની મિનિટોમાં વાયરલ થવા લાગ્યો છે અને ફેન્સ વીડિયોને ખૂબ જ પસંદ કરી રહ્યા છે. આ વીડિયોમાં એક્ટ્રેસ પિંચ મયૂરાસન કરતી જોવા મળી રહી છે.
એક્ટ્રેસ મોની રૉય પહેલી વખત વર્કઆઉટ વીડિયો કે ફોટો નથી શૅર કરી રહી. આ પહેલા પણ તેણે ઘણા વીડિયોઝ અને ફોટોઝ શૅર કર્યા છે. આ પહેલા તેણે સૂર્યનમસ્કાર કરતા વીડિયો પણ શૅર કર્યો છે, જેમાં મૉની એકદમ શાનદાર રીતે યોગા આસાન કરી રહી છે. એટલુ જ નહી મોનીની ફિટનેસ ફેન્સને ખૂબ જ આકર્ષિત કરે છે.
વર્ક ફ્રન્ટની વાત કરવામાં આવે તો તે ટૂંક સમયમાં રણબીર કપૂર અને આલિયા ભટ્ટની સાથે ફિલ્મ 'બ્રહ્માસ્ત્ર' જોવા મળશે. આ ફિલ્મમે તે નેગિટવ રોલ કરી રહી છે.
આ ફિલ્મને લઇને એક ઇન્ટરવ્યૂમાં મોનીએ જણાવ્યુ હતુ કે, ''રણબીર કપૂર અને આલિયા ભટ્ટની સાથે સેટ પર હોવાને કારણે તે ખૂબ જ એક્સાઇટેડ હતી. અમે બુલ્ગેરિયાના એક સ્ટેડિયમમાં શૂટિંગ કરી રહ્યા હતા, જ્યાં મેં બંનેને એકસાથે જોયા, બંને શાનદાર કો-એક્ટર છે.'' ફિલ્મમાં પોતાના કેરેક્ટરને લઇને વાત કરતા કહ્યુ કે, ''નાગિનને કારણે મને આ રોલ મળ્યો છે. આ રોલ તેમણે ખૂબ જ પસંદ આવ્યો. મને આશ્ચર્ય થાય છે કે અયાન મુખર્જીએ મને ફિલ્મ માટે ઓડિશન આપવા માટે કહ્યુ. કદાચ બની શકે કે તેઓ મારા લૂકના હિસાબે મારો મેકઅપ અને બોડી લેંગ્વેજને જોવા માંગતા હોય.''