વાયરલ / VIDEO : લેન્ડિંગ સમયે પ્લેનનું ટાયર ફાટ્યું, મુસાફરોમાં ડરનો માહોલ

રિન એરપોર્ટ પર લેન્ડિંગ કરવાનું હતું. પણ અચાનક વિમાનનો આગળનો લેન્ડિંગ ગિયર ખરાબ થઈ ગયો. વિમાનનું પૈડું અચાનક તૂટી ગયું અને વિમાનમાંથી આગની જ્વાળાઓ નીકળવા લાગી.

વ્હીલ તૂટી ગયા પછી ફ્લાઇટ ધ્રુજવા લાગી. આગ જોઈને વિમાનમાં સવાર 228 મુસાફરો અને ક્રૂ સભ્યોમાં ગભરાટ ફેલાઈ ગયો. મુસાફરોએ એક્સિડન્ટનો વીડિયો બનાવીને સોશિયલ મીડિયા પર વાયરલ કર્યો. ભલે ફ્લાઇટ સુરક્ષિત રીતે લેન્ડ થઈ પણ ઇમરજન્સી લેન્ડિંગના ઘણા વીડિયો સામે આવ્યા છે. એરલાઇને પુષ્ટિ આપી કે મુસાફરો સુરક્ષિત છે. ફેડરલ એવિએશન એડમિનિસ્ટ્રેશન અને નેશનલ ટ્રાન્સપોર્ટેશન સેફ્ટી બોર્ડ અકસ્માતની તપાસ કરી રહ્યા છે.

ઇમરજન્સી ગેટમાંથી મુસાફરોને બચાવી લેવામાં આવ્યા

મુસાફરોને ઇમરજન્સી ગેટ પરથી બચાવી લેવામાં આવ્યા અને ટેક્સીવે પર ઉતારવામાં આવ્યા. ક્રેશ થયેલા વિમાનને બસ દ્વારા ટર્મિનલ લઈ જવામાં આવ્યું હતું. ફ્રન્ટિયર એરલાઇન્સે અકસ્માતની પુષ્ટિ કરી અને દેશવાસીઓને માહિતી આપી કે ફ્લાઇટ સુરક્ષિત રીતે ઉતરાણ કરી લેવામાં આવી છે. બધા 228 મુસાફરો અને ક્રૂ સભ્યો સુરક્ષિત છે. કોઈને ગંભીર ઈજાઓ થઈ નથી.

વધુ વાંચો: Video ચીનમાં માણસ અને રોબોટ વચ્ચે રેસ, 21 કિલોમીટર લાંબી આ રેસમાં કોણ જીત્યું?

મુસાફરો એ જણાવી આપવીતી

મુસાફર મેલાની ગોન્ઝાલેઝ વ્હાર્ટને અકસ્માત સાથેના પોતાના અનુભવનું વર્ણન કર્યું. તેણે ફેસબુક પર એક પોસ્ટમાં લખ્યું કે તે પરિવાર સાથે ફ્લોરિડાથી પ્યુઅર્ટો રિકો જઈ રહી હતી. અને આ ફ્લાઇટ તેના માટે એક ભયાનક અનુભવ બની કારણ કે વિમાને લુઇસ મુનોઝ મારિન આંતરરાષ્ટ્રીય વિમાનમથક પર ઉતરવાનો પ્રયાસ કર્યો અને ક્રેશ થયું. થોડીવાર માટે એવું લાગ્યું કે બસ હવે તો મોત આવી ગયું છે. જ્યારે મે બારીમાંથી આ ઘટના જોઈ ત્યારે હું ધ્રુજી ગઈ હતી અને લાગ્યું હતું કે કદાચ આ અમારા જીવનની છેલ્લી ફ્લાઇટ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ