બીટીપીના આદિવાસી નેતા અને પોતાના વિસ્તારમાં વગ ધરાવતા છોટુ વસાવાએ આજે વિશ્વ આદિવાસી દિવસ નિમિત્તે સરકારને આડેહાથ લીધી હતી જેના જવાબમાં ભૂપેન્દ્રસિંહ ચૂડાસમાએ પણ પોતાનો પક્ષ રજૂ કર્યો હતો.
ભૂપેન્દ્રસિંહ ચુડાસમાએ કહ્યું ''આ ફરજ સરકારની નહીં સમાજની છે''
છોટુ વસાવા જે આજે કહે છે તે હું 2013થી કહેતો આવ્યો છું: ચુડાસમા
વિશ્વ આદિવાસી દિવસ નિમિતે છોટુ વસાવાએ સરકાર પર પ્રહાર કર્યા. છોટુ વસાવાએ કહ્યું કે સરકાર આદિવાસી શબ્દ ભૂસવાનો પ્રયાસ કરી રહી છે. પરંતુ હું યુવાનોને કહીશ કે આદિવાસી શબ્દને લઇ લડો. આ એક દિવસ આપણો બનવાનો છે.
ભૂપેન્દ્રસિંહ ચૂડસમાએ આપ્યો જવાબ
આ સામે ભૂપેન્દ્રસિંહ ચુડાસમાએ કહ્યું કે છોટુ વસાવા જે આજે કહે છે તે હું 2013થી કહેતો આવ્યો છું. આદિવાસી વિસ્તારની પછાત નહીં પરંતુ વિક્સીત વિસ્તાર તરીકે ઓળખ બને તે અમારો પ્રયાસ છે.