એક તરફ ક્રૂડ ઓઈલની વધતી કિંમતો અને ભારતમાં સતત વધતા પેટ્રોલ-ડીઝલના ભાવ વાહનચાલકોને દઝાડી રહ્યા છે ત્યારે અમે આપને દુનિયાના એવા દેશો વિશે જણાવવા જઇ રહ્યા છીએ જ્યાં પેટ્રોલ ખુબ જ સસ્તુ મળી રહ્યું છે. વિશ્વમાં એવા કેટલાય દેશો છે જ્યાં પેટ્રોલની કિંમત ખુબ જ ઓછી છે.
એક તરફ ભારતમાં પેટ્રોલ-ડીઝલના ભાવ ભડકે બળી રહ્યા છે ત્યારે આ સમાચાર વાંચી તમને આશ્ચર્ય થશે કે વેનેઝુએલામાં એક લીટર પેટ્રોલની કિંમત માત્ર 61 પૈસા છે. (આ આંકડા ગ્લોબલ પેટ્રોલ પ્રાઇસ ડોટ કોમ પરથી લેવામાં આવ્યા છે).
આ સિવાય ઇરાનમાં એક લીટર પેટ્રોલની કિંમત 20.36 રૂ. છે. આ દેશ પોતાની જરૂરિયાત કરતા વધારે ક્રુડનું ઉત્પાદન કરે છે એટલે એ ક્રુડની નિકાસ પણ કરે છે.