તાઇવાનની સંસદે સમલૈંગિક વિવાહ પર ઐતિહાસિક નિર્ણય કર્યો છે. દેશમાં સમલૈંગિક વિવાહને કાયદાકીય રીતે મંજૂરી આપવામાં આવી છે. આવું કરનાર તાઇવાન એ એશિયાનો પ્રથમ દેશ બની ગયો છે. સમલૈંગિક વિવાહને મંજૂરી આપનાર આ કાયદો 24 મેનાં રોજ લાગુ થશે. હવે તે સરકારી એજન્સીઓમાં લગ્નનું પંજીકરણ કરી શકશે.
તાઇપેઃ તાઇવાનની સંસદે સમલૈંગિક વિવાહ પર અંતિમ સમયમાં કંજરવેટિવ્સની કોશિશો પર વિજય હાંસલ કરતા ઐતિહાસિક નિર્ણય કર્યો છે. હવે દેશમાં સમલૈંગિક વિવાહને કાયદાકીય રીતે મંજૂરી આપવામાં આવી છે. આવું કરનાર તાઇવાન એ એશિયાનો પ્રથમ દેશ બની ગયો છે. તાઇવાનનાં સાંસદોએ શુક્રવારનાં રોજ બિલને પસાર કરી દીધું.
સમલૈંગિક વિવાહને મંજૂરી આપનાર આ કાયદો 24 મેનાં રોજ લાગુ થશે. હવે તે સરકારી એજન્સીઓમાં લગ્નનું પંજીકરણ કરી શકશે. આ નિર્ણય દેશનાં સમલૈંગિક સમુદાયનાં લોકોને માટે વિજય છે કે જે વર્ષોથી સમાન વૈવાહિક અધિકારોને માટે મુહિમ ચલાવી રહ્યાં હતાં.
અધિકાંશ કંજરવેટિવ સાંસદોએ બિલનો વિરોધ કર્યો હતો અને તેઓએ આ બિલથી છુટકારો મેળવવા માટેની મુહિમ ચલાવી હતી. આ સાથે જ સમલૈંગિક વિવાહ યૂનિયનને ખતમ કરવા માટે બિલ પણ રજૂ કર્યુ હતું. પરંતુ તેને ઓછાં વોટ મળ્યાં અને કંજરવેટિવ્સનું બિલ રહી ગયું. તાઇપેની સંસદની પાસે હજારોની સંખ્યામાં એલજીબીટી સમુદાયનાં લોકો જમા થયાં હતાં.
તમને જણાવી દઇએ કે આ મુદ્દાને લઇને દેશમાં ખૂબ જ ચર્ચા વિચારણા થઇ હતી અને આ બંને ભાગમાં વહેંચાઇ ગયા હતાં. સંસદથી એલજીબીટી સમુદાયનાં પક્ષમાં નિર્ણય આવતા જ લોકો ખુશીથી ઝૂમી ઉઠ્યાં. તાઇવાનમાં મોટી સંખ્યામાં સમલૈંગિક સમુદાયનાં લોકો રહે છે. અહીં થનારી વાર્ષિક ગે પ્રાઇડ પરેડ એશિયામાં સૌથી મોટી હોય છે તેમ છતાં તેઓને વિવાહનો સમાન અધિકાર આપવાનાં મુદ્દા પર લોકોનો વિચાર વહેંચાયેલો છે.