વર્લ્ડ સોશ્યલ મીડિયા ડે / 1997માં હતી શરૂઆત, આજે સોશ્યલ મીડિયા પર છે 400 કરોડ લોકો, 54% ભારતીયોને ભરોસો

• દુનિયામાં છે સોશિયલ મીડિયાનુ ચલણ
• 30 જૂન 2010ના રોજ પહેલી વખત સોશિયલ મીડિયા ડે મનાવવામાં આવ્યો
• 1997માં વિશ્વનું સૌથી પહેલુ સોશિયલ મીડિયા પ્લેટફોર્મ લોન્ચ થયુ

સૌથી પહેલુ સોશિયલ મીડિયા પ્લેટફોર્મ

2010 પહેલા સોશિયલ મીડિયાનો ન્યુનત્તમ લોકો ઉપયોગ કરતા હતા. આખી દુનિયામાં તેની જરૂરીયાત અને ગ્લોબલ કોમ્યુનિકેશનમાં તેના રોલને હાઇલાઇટ કરવા માટે વર્લ્ડ સોશિયલ મીડિયા ડે મનાવવામાં આવ્યો. 1997માં વિશ્વનું સૌથી પહેલુ સોશિયલ મીડિયા પ્લેટફોર્મ લોન્ચ થયુ હતુ. જેનુ નામ સિક્સડિગ્રી હતુ. આ પ્લેટફોર્મને એન્ડ્રયુ વેનરિચે શરૂ કર્યુ હતુ. વર્ષ 2001માં તેના દસ લાખથી વધુ યુઝર્સ હતા. પરંતુ તેમ છતા આ બંધ થયુ હતુ. 

54 ટકા ભારતીયોને સોશિયલ મીડિયા પર ભરોસો

ઑક્સફોર્ડ યુનિવર્સિટી પ્રેસના એક રિસર્ચમાં સામે આવ્યું છે કે ભારતના 54 ટકા લોકો સોશિયલ મીડિયાનો ઉપયોગ યોગ્ય જાણકારી માટે કરે છે. આ પ્લેટફોર્મ પર કરવામાં આવેલી પોસ્ટ પર વિશ્વાસ કરીને શેર કરનારા 87 ટકા લોકોનું માનવુ છે કે તેઓ જે માહિતી સોશિયલ મીડિયા દ્વારા શેર કરી રહ્યાં છે, તે યોગ્ય છે. 25 થી 44 વર્ષની વચ્ચે લગભગ 44 ટકા યુઝર્સ સોશિયલ મીડિયામાં શેર કરવામાં આવેલી માહિતીને સાચી માને છે. તો 55 વર્ષથી ઉપર માત્ર 12 ટકા લોકો એવા છે. 55 વર્ષથી નાની ઉંમરના મોટાભાગના લોકો સોશિયલ મીડિયાને જાણકારીનુ યોગ્ય પ્લેટફોર્મ માને છે. જ્યારે 25 થી 44 વર્ષના લોકોમાં 35 ટકા લોકો આવુ વિચારે છે. તો 55 વર્ષની ઉપરના માત્ર 13 ટકા લોકો આવુ વિચારે છે. 

આજનુ સોશિયલ મીડિયા

વિશ્વના 58.4 ટકા લોકો સોશિયલ મીડિયાનો ઉપયોગ કરે છે. એક રિસર્ચ મુજબ 2020થી 2022 સુધી સોશિયલ મીડિયામાંથી 42 કરોડ 40 લાખ નવા યુઝર્સ જોડાયા. એક વર્ષમાં યુઝર્સમાં 10.1 ટકાનો વધારો થયો છે. સૌથી ફેવરિટ સોશિયલ નેટવર્કિગ સાઇટ ફેસબુક રહ્યું. જેને 290 કરોડ લોકો ચલાવે છે.