મહામારી / કોરોનાને લઇને પાકિસ્તાનમાં બની એવી ઘટના કે WHOએ કર્યા વખાણ, કહ્યું દુનિયાએ શીખ લેવા જેવી

• કોરોના સામે જિત્યું પાકિસ્તાન
• WHOએ પાકિસ્તાનના કર્યા વખાણ
• "દુનિયાએ પાકિસ્તાન પાસેથી શીખવાની જરૂર"

આ દેશના અથાગ પ્રયાસોના કારણે તેણે કોરોના સામે જંગ જીતી લીધી છે. તમને જાણીને નવાઈ લાગશે કે આ કોઈ વિકસિત દેશ નહી પરંતુ ભારતનો જ પાડોશી દેશ પાકિસ્તાન છે. હા તમે બરાબર સાચુ સાંભળ્યું છે.કારણ કે, કોરોના સામેની લડાઈમાં પાકિસ્તાન આદર્શ બનીને ઉભર્યું છે. 

પાકિસ્તાન મોડલ અપનાવવાની સલાહ આપી

WHOએ દુનિયાને પાકિસ્તાન મોડલ અપનાવવાની સલાહ આપી છે. કારણ કે, પાકિસ્તાને કોરોના સામે જીત મેળવી છે. પાકિસ્તાનમાં કોરોનાના કુલ 3 લાખ એક હજાર કેસ નોંધાયા જેની સામે 2 લાખ 89 હજાર દર્દીઓ રિકવર થઈ ગયા અને માત્ર 6373 લોકોના મોત થયા. 

WHOએ ખુલીને પાકિસ્તાનના વખાણ કર્યાં 

એટલે જ WHOએ ખુલીને પાકિસ્તાનના વખાણ કર્યાં અને કહ્યું કે, આખી દુનિયાએ પાકિસ્તાન પાસેથી શીખવાની જરૂર છે. પાકિસ્તાને કોરોના સામે લડવા માટે પોલિયોની પદ્ધતી અપનાવી છે. પાકિસ્તાને પોલીયોની વેક્સીન આપનારા હેલ્થ વર્કર્સનો સદુપયોગ કર્યો અને આહેલ્થ વર્કર્સે ઘરે ઘરે જઈને સર્વેલંસ કર્યું અને કોરનાના દર્દીઓના સંપર્કમાં આવેલા લોકોની તપાસ કરી. 

કોરોનાનું સંક્રમણ ઝડપથી ઘટ્યું

હેલ્થ સેક્ટરમાં મોટી કામગીરીને કારણે પાકિસ્તાનમાં કોરોનાનું સંક્રમણ ઝડપથી ઘટ્યું.. એટલે જ કોરોના સામે શ્રેષ્ઠ લડાઇ લડનારા 7 દેશોમાં પાકિસ્તાનનો સમાવેશ થયો. પાકિસ્તાન ઉપરાંત થાઇલેન્ડ, કમ્બોડિયા, જાપાન અને ન્યૂઝિલેન્ડ સહિત કુલ 7 દેશોની કોરોના સામેની લડાઇના WHOએ ખુબ વખાણ કર્યા છે.