અજબ ગજબ / Video: અહીં જંગલની વચ્ચે આવેલી છે ગરમ પાણીની નદી, ભૂલથી પડી ગયા તો મૃત્યુ નિશ્ચિત!

આખી દુનિયામાં ઘણી એવી રહસ્યમય જગ્યાઓ આવેલી છે જેના રહસ્યો આજ સુધી વૈજ્ઞાનિકો પણ ઉકેલી શક્યા નથી. આવી જ એક જગ્યા એમેઝોનના જંગલોમાં વહેતી નદી છે આ નદીનું પાણી હંમેશા ઉકળતું રહે છે. આ નદીને ત્યાંનાં લોકો બૉઈલિંગ રિવર કહે છે અને વૈજ્ઞાનિકો તેને થર્મલ રિવર કહે છે.

એમેઝોનના જંગલમાં રહેતા આદિવાસીઓ આ નદીને લા બોમ્બા પણ કહે છે, જ્યારે કેટલાક લોકો આ નદીને મયંતુયાકુ પણ કહે છે. પ્રાચીન સમયમાં આ નદીને શનાય-ટિમ્પિશકા પણ કહેવામાં આવતી હતી. એવું કહેવાય છે કે આ નદીનું પાણી 80-100 ડિગ્રી સેલ્સિયસ પર ઉકળતું રહે છે અને આ તાપમાન એટલું વધારે છે કે જો આ નદીમાં જો ભૂલથી કોઈ પડી જાય તો તે જીવતું બચતું નથી.

સૌથી વધુ આશ્ચર્યની વાત એ છે કે આ નદીની આસપાસ કોઈ જ્વાળામુખી નથી. આ નદીની સૌથી નજીક જે જ્વાળામુખી છે તે પણ લગભગ 700 કિલોમીટર દૂર છે. આવી સ્થિતિમાં જ્વાળામુખીના કારણે નદીનું પાણી ઉકળતું નથી. તો પછી પાણી કેમ ઉકળે છે? તેનું કારણ હજુ સુધી જાણવા મળ્યું નથી.

વધુ વાંચો: દુનિયામાં સૌથી મોટી યોદ્ધા છે માં! તળાવમાં પડ્યું બચ્ચું, તો સિંહણે આવી રીતે બચાવ્યો જીવ

પેરુ પાસે આવેલ એમેઝોનના જંગલના એક ભાગમાં આ નદી આવેલી છે અને તેની શોધ વર્ષ 2011માં આન્દ્રે રુજોએ કરી હતી. આ નદી લગભગ 7 કિલોમીટર લાંબી છે, 80 ફૂટ પહોળી અને ઊંડાઈ 16 ફૂટ સુધી છે.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ