વિશ્વ / કેનેડામાં અંધેરરાજ! ખાલિસ્તાન સામે બોલ્યા હિન્દુ સાંસદ તો થઈ કાર્યવાહી, ચૂંટણી નહીં લડી શકે

કેનેડાની શાસક લિબરલ પાર્ટીએ હિન્દુ સાંસદ ચંદ્ર આર્યને ચૂંટણી લડવા પર પ્રતિબંધ મૂક્યો છે. ટ્રુડોની પાર્ટી જે ખાલિસ્તાન તરફી હોવાનું કહેવાય છે, તેણે તેમની ટિકિટ રદ કરી દીધી છે. ચંદ્ર આર્યએ પોતે આ વાતનો ખુલાસો કર્યો અને કહ્યું કે લિબરલ પાર્ટીએ નેપિયનમાં ફરીથી ચૂંટણી લડવા માટે તેમનું નામાંકન રદ કર્યુ છે.

કેનેડાનો ખાલિસ્તાન પ્રત્યેનો પ્રેમ ફરી એકવાર સામે આવ્યો છે. હિન્દુ સાંસદ ચંદ્ર આર્યને ખાલિસ્તાનની ખુલ્લેઆમ ટીકા કરવી મોંઘી સાબિત થઈ છે. હકીકતમાં, શાસક લિબરલ પાર્ટીએ તેમને ચૂંટણી લડવા પર પ્રતિબંધ મૂક્યો છે. ટ્રુડોની પાર્ટી, જે ખાલિસ્તાન તરફી હોવાનું કહેવાય છે, તેણે તેમની ટિકિટ રદ કરી દીધી છે.

ચંદ્ર આર્ય ચૂંટણી લડી શકશે નહીં

કેનેડિયન હિન્દુ સાંસદ ચંદ્ર આર્યએ જણાવ્યું હતું કે લિબરલ પાર્ટીએ નેપિયનમાં ફરીથી ચૂંટણી લડવા માટે તેમનું નામાંકન રદ કર્યું છે. કેનેડામાં ખાલિસ્તાની પ્રવૃત્તિઓના કટ્ટર ટીકાકાર 62 વર્ષીય ચંદ્ર આર્ય ત્રણ વખત સાંસદ છે અને 2015 થી ઓટાવામાં નેપિયન બેઠકનું પ્રતિનિધિત્વ કરે છે.

આ પણ વાંચોઃ એક ઈંડુ ખરીદવા માટે લોકો કેમ કરી રહ્યા છે પડાપડી? કિંમત જાણીને તમે પણ ચોંકી ઉઠશો, જાણો મામલો

નિર્ણય ઘણા સમય પહેલા લેવામાં આવ્યો હતો

લિબરલ પાર્ટીના રાષ્ટ્રીય ઝુંબેશના સહ-અધ્યક્ષ એન્ડ્રુ બેવનના પત્રમાં આ નિર્ણયની જાણ કરવામાં આવી હતી. આર્યને હટાવવાનો નિર્ણય પાર્ટી દ્વારા પૂર્વ પ્રધાનમંત્રી જસ્ટિન ટૂડોની જગ્યાએ નેતૃત્વની દોડમાં ચુટણી લડવા લગભગ બે મહિના પહેલા લેવામાં આવ્યો હતો.

ટ્વિટર પર આર્ય દ્વારા શેર કરાયેલા પત્રમાં કહેવામાં આવ્યું છે કે પાર્ટીની "ગ્રીન લાઇટ કમિટી" દ્વારા મળેલી જાણકારીને કારણે અભિયાનના સહ-અધ્યક્ષોએ ભલામણ કરી છે કે તેમનો "ઉમેદવાર તરીકેનો દરજ્જો" રદ કરી દેવાયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ