WHOના ચીફે વિશ્વના નેતાઓને કહ્યું તે ડેલ્ટા સ્વરૂપ વિકસિત અને પરિવર્તિત થઈ રહ્યું છે ત્યારે નવા વર્ષ સુધીમાં દરેક દેશમાં 70 ટકા વેક્સીનેશન પૂરું કરાય તે જરૂરી છે.
કોરોના વાયરસનું ડેલ્ટા સ્વરૂપ ખતરનાક
WHO ચીફે દુનિયાને આપી ખાસ ચેતવણી
નવા વર્ષ સુધીમાં દરેક દેશમાં 70 ટકા વેક્સીનેશન પૂરું કરાય તે જરૂરી
વિશ્વ સ્વાસ્થ્ય સંગઠન (WHO)ના પ્રમુખ ટેડ્રોસ અઘનોમ ઘેબ્રસેયસે કહ્યું છે કે લગભગ 100થી વધારે દેશોમાં કોરોના મહામારી ઘાતક સ્વરૂપ ધારણ કરી ચૂકી છે. શુક્રવારે તેઓએ કહ્યું કે ડેલ્ટા સ્વરૂપ વિકસિત અને પરિવર્તિત થઈ રહ્યો છે અને અનેક દેશોમાં કોરોનાનો પ્રમુખ વાયરસ બની રહ્યો છે. મેં પહેલા પણ દુનિયાના નેતાઓને કહ્યું હતું કે આવનારા વર્ષ સુધીમાં દરેક દેશમાં 70 ટકા સુધીનું વેક્સીનેશન કરી લેવાય તે ખૂબ જ જરૂરી છે.
દુનિયાને વેક્સીનેટ કરવા માટે 1100 કરોડ વેક્સિન ડોઝની જરૂરઃ WHO
WHO ચીફનું કહેવું છે કે વેક્સિનના 3 અરબ ડોઝ પહેલાથી વિતરિત કરાઈ ચૂક્યા છે અને કેટલાક દેશની સામૂહિક શકતિ પર છે કે તેઓ પગલા લે અને નક્કી કરે કે વેક્સિન મેળવી શકે. વિશ્વ સ્તરે અપાનારા વેક્સિનના ડોઝમાં 2 ટકા પણ ઓછા ગરીબ દેશમાં છે. બ્રિટન, અમેરિકા, ફ્રાન્સ અને કેનેડા સહિતના અમીર દેશોએ કોરોનાના એક અરબ ડોઝને દાન કરવાનો સંકલ્પ કર્યો છે. WHOનું અનુમાન છે કે હજુ પણ દુનિયાને વેક્સીનેટ કરવા માટે 1100 કરોડ વેક્સિન ડોઝની જરૂર છે.
ડેલ્ટા વેરિઅન્ટથી સંબંધિત હોઈ શકે છે 90 ટકા દર્દીઓઃ યૂરોપીય સંઘ
થોડા દિવસ પહેલા યૂરોપીયન યૂનિયનના મેડિકલ એજન્સીએ કહ્યું હતું કે યૂરોપમાં કોરોનાના 90 ટકા નવા કેસ ડેલ્ટા વેરિઅન્ટ સંબંધિત હોઈ શકે છે. યૂરોપીયન સેન્ટર ફોર ડિસિઝ પ્રિવેન્શન એન્ડ કંટ્રોલે કહ્યું હતું કે શક્ય છે કે આ ગરમીમાં ડેલ્ટા વેરિઅન્ટ અસર દેખાડે. ખાસ કરીન યુવાઓમાં જેઓને વેક્સિન મળી નથી. એજન્સીનું કહેવું છે કે નવા ડેલ્ટા વેરિઅન્ટ વધારે સંક્રામક છે. એક અનુમાન છે કે ઓગસ્ટ મહિનાના અંત સુધીમાં યૂરોપમાં 90 ટકા સુધી આ વેરિઅન્ટ સંબંધિત કેસ હશે. એજન્સીનું અનુમાન છે કે ડેલ્ટા વેરિઅન્ટ પોતાના પહેલાના આલ્ફા વેરિઅન્ટથી 40-60 ગણા વધારે સંક્રામક હોઈ શકે છે.