રિપોર્ટ / આ દેશોનો પાસપોર્ટ દુનિયામાં સૌથી શક્તિશાળી, પાકિસ્તાન સાવ તળિયે, જાણો ભારતનું સ્થાન કયું

• જાપાન અને સિંગાપોરની પાસે સૌથી શક્તિશાળી પાસપોર્ટ
• પાકિસ્તાન અને ઉત્તર કોરિયાની પાસે સૌથી નબળા પાસપોર્ટ
• પાસપોર્ટ યાદીમાં ભારતીય પાસપોર્ટ 90મા ક્રમાંકે

સૌથી શક્તિશાળી પાસપોર્ટનું રેન્કિંગ જાહેર કર્યુ

હેનલે એન્ડ પાર્ટનર્સે વિશ્વના સૌથી શક્તિશાળી પાસપોર્ટનું રેન્કિંગ જાહેર કર્યુ છે. હેનલે પાસપોર્ટની દુનિયા બનાવી છે, આ બધા પાસપોર્ટને વર્ગીકૃત પણ કર્યા છે. જ્યાં તેના ધારક વગર વીઝાએ જઇ શકે છે. જાહેર કરાયેલી અનુક્રમણિકામાં દાવો કરાયો છે કે અહીંના પાસપોર્ટ ધારક વીઝા વગર 58 દેશોની યાત્રા કરી શકે છે. જોકે, રિપોર્ટ જાહેર કરતી વખતે કોવિડ-19નું ધ્યાન રાખવામાં આવ્યું નથી. વિશ્વના દરેક નાના-મોટા દેશો મહામારી રોકવા માટે યાત્રા પ્રતિબંધ લગાવ્યાં છે. જોકે, અમુક સ્થાનોમાં રાહત આપવામાં આવી છે. 

પાસપોર્ટ યાદીમાં જાપાન, સિંગાપુર સૌથી અગ્ર સ્થાને

હેનલે પાસપોર્ટ યાદીમાં જાપાન સિંગાપુર સૌથી ઉચ્ચ સ્થાને છે, જેનો વીઝા મુક્ત સ્કોર 192 છે. આ બંને દેશોના પાસપોર્ટ ધારક વીઝા વગર 192 દેશોની યાત્રા કરી શકે છે. અફઘાનિસ્તાન, ઈરાક, સીરિયા, પાકિસ્તાન અને યમનના પાસપોર્ટ સૌથી ઓછા શક્તિશાળી છે. રેન્કિંગ ઈન્ટરનેશનલ એર ટ્રાન્સપોર્ટ એસોસિએશન (આઈએટીએ)ના ડેટા વિશ્લેષણ આધારિત છે. હેનલે એન્ડ પાર્ટનર્સની વૈશ્વિક ગતિશીલતા રિપોર્ટ જણાવે છે કે દક્ષિણમાં કેટલાંક દેશોએ પોતાની અર્થ વ્યવસ્થાને મજબુતી આપવા માટે પ્રતિબંધોમાં રાહત આપી છે. પરંતુ ઉત્તરમાં આવુ કશું થયુ નથી.

શક્તિશાળી પાસપોર્ટવાળાં શીર્ષ દેશ

જાપાન, સિંગાપુર (વીઝા મુક્ત સ્કોર-192)
જર્મની, દક્ષિણ કોરિયા (વીઝા મુક્ત સ્કોર-190)
ફીનલેન્ડ, ઈટલી, લક્ઝમબર્ગ, સ્પેન (વીઝા મુક્ત સ્કોર-189)
ઓસ્ટ્રિયા, ડેનમાર્ક (વીઝા મુક્ત સ્કોર-188)
બ્રિટન, અમેરિકા, ચેક ગણરાજ્ય, ગ્રીસ માલ્ટા, નોર્વે (વીઝા મુક્ત સ્કોર-185)

સૌથી ઓછા શક્તિશાળી પાસપોર્ટવાળાં પાંચ દેશ

અફઘાનિસ્તાન (વીઝા મુક્ત સ્કોર-26)
ઈરાક (વીઝા મુક્ત સ્કોર-28)
સીરિયા (વીઝા મુક્ત સ્કોર-29)
પાકિસ્તાન (વીઝા મુક્ત સ્કોર-31)
યમન (વીઝા મુક્ત સ્કોર- 33)