World Milk Day: દર વર્ષે 1 જૂનના રોજ વર્લ્ડ મિલ્ક ડે ઉજવવામાં આવે છે. તમારે આ દિવસના ઇતિહાસ અને દૂધના સ્વાસ્થ્ય લાભ વિશે પણ જાણવું જોઈએ...
1 જૂનના રોજ વિશ્વ દૂધ દિવસ ઉજવવામાં આવે છે
આ દિવસની ઉજવણી વર્ષ 2001માં ખાદ્ય અને કૃષિ સંગઠન અને સંયુક્ત રાષ્ટ્ર દ્વારા કરવામાં આવી
દૂધનું સેવન રોગપ્રતિકારક શક્તિને મજબૂત કરવામાં મદદરૂપ કરે છે
World Milk Day 2023: બાળકો હોય કે મોટા હોય, દૂધ દરેકના સ્વાસ્થ્ય માટે ફાયદાકારક છે. દૂધ એક નહીં પરંતુ અનેક પોષક તત્વોથી ભરપૂર હોય છે અને તેની સાથે કેલ્શિયમ, પ્રોટીન, ફોસ્ફરસ, આયોડિન, રિબોફ્લેવિન, વિટામિન B12 અને પેન્ટોથેનિક એસિડ પણ સારી માત્રામાં જોવા મળે છે. આજે વિશ્વ દૂધ દિવસનું મહત્વ દર્શાવે છે. દર વર્ષે 1 જૂનના રોજ વિશ્વ દૂધ દિવસ ઉજવવામાં આવે છે. આ દિવસની ઉજવણી વર્ષ 2001માં ખાદ્ય અને કૃષિ સંગઠન અને સંયુક્ત રાષ્ટ્ર (United Nations)દ્વારા કરવામાં આવી હતી. આવો જાણીએ રોજ દૂધ પીવાથી શરીરને શું ફાયદા થાય છે.
1. હાડકા અને દાંત માટે
દૂધનું સેવન હાડકા અને દાંતને મજબૂત બનાવવામાં મદદ કરે છે. દૂધમાં ભરપૂર માત્રામાં કેલ્શિયમ હોય છે, જે હાડકાં સ્વાસ્થ રાખે છે. એક કપ દૂધમાં શરીરને 285 મિલિગ્રામ સુધી કેલ્શિયમ મળે છે. જેના કારણે, એક કપ દૂધ શરીરની રોજીંદા કેલ્શિયમની જરૂરિયાતના 20 ટકા સુધી પૂરી કરે છે.
2. ઇમ્યુનિટી માટે ફાયદાકારક
શરીરની રોગપ્રતિકારક શક્તિ એટલે કે ઇમ્યુનિટી જ હાનિકારક વાયરસને શરીરમાંથી દૂર રાખે છે અને તેને રોગોથી બચાવે છે. દૂધનું સેવન રોગપ્રતિકારક શક્તિને મજબૂત કરવામાં મદદરૂપ કરે છે. દૂધમાં રોગપ્રતિકારક શક્તિ વધારવા વિટામિન, પ્રોટીન, વિટામિન ડી, વિટામિન એ અને ઝિંક વગેરે સામેલ છે.
3. હૃદયના સ્વાસ્થ્ય માટે બેસ્ટ
જો તમે દરરોજ દૂધ પીતા હોય તો હૃદયની તંદુરસ્તી પણ સારી રહી શકે છે. હૃદયના સ્વાસ્થ્ય માટે તમે લો ફેટ કે ફેટ ફ્રી દૂધથી બનેલી વસ્તુઓ ડાયેટમાં સામેલ કરી શકો છો. દૂધ કાર્ડિયોવેસ્ક્યુલર બીમારીઓ અને બ્લડ પ્રેશર ઘટાડવામાં પણ મદદ કરે છે.
4. કાચા દૂધથી મળે છે અનેક ગુણ
ન્યુટ્રિશનિસ્ટનું કહેવુ છે કે, કાચું દૂધ પીવાથી શરીરને પ્રોટીન, ફાયદાકારક બેક્ટેરિયા અને ચરબીમાં દ્રાવ્ય વિટામિન્સ પણ મળે છે. દૂધ પીવાથી શરીર ઇન્ફેક્શન અને એલર્જીથી પણ સુરક્ષિત રહે છે.
5. મેદસ્વીતાથી બચી શકાય છે
દૂધનું સેવન શરીરને વધુ કેલરી શોષતા અટકાવે છે, જેનાથી મેદસ્વીતા ઘટી શકે છે. રિસર્ચ અનુસાર, કબજિયાતથી છુટકારો મેળવવા અને વજન ઘટાડવા માટે દૂધના સેવન કરવાનું કહેવામાં આવે છે. ડાયેટરી કેલ્શિયમ મેદસ્વીતાને રોકવામાં અસરકારક સાબિત થઈ શકે છે.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.