19 એપ્રિલ એટલે World Liver Day. ત્યારે આજે અમે તમને 5 એવી ખરાબ આદતો વિશે જણાવીશું કે જે તમારા લિવરને ડેમેજ કરે છે.
દર વર્ષે 19 એપ્રિલે સેલિબ્રેટ કરવામાં આવે છે 'World Liver Day'
આ 5 ખરાબ આદતોના કારણે લિવર થઇ રહ્યું છે ડેમેજ!
દારૂ અને સિગારેટનું ભૂલથી પણ સેવન ના કરવું
શરીરમાં આમ તો દરેક અંગોનું કંઇક ને કંઇક મહત્વ હોય છે. પરંતુ શરીરને ઝેર મુક્ત રાખવામાં લિવરની ભૂમિકા સૌથી મહત્વપૂર્ણ રહેલી હોય છે. લિવરની સૌથી સારી બાબત એ છે કે તે ક્ષતિગ્રસ્ત કોષોને આપમેળે બદલી નાખે છે. જો કે, એક તબક્કામાં પહોંચ્યા બાદ લિવરની આપમેળે રિપેર થવાની ક્ષમતા સમાપ્ત થવા લાગે છે. ખાસ કરીને જ્યારે આપણે તેને સતત નુકસાન પહોંચાડવાની ટેવ શરૂ રાખીએ છીએ. લિવરના સ્વાસ્થ્ય પ્રત્યે લોકોને જાગૃત કરવા માટે દર વર્ષે 19 એપ્રિલને 'World Liver Day' તરીકે સેલિબ્રેટ કરતા હોઇએ છીએ. ત્યારે આજે અમે તમને 5 એવી ખરાબ આદતો વિશે જણાવીશું કે જે તમારા લિવરને ડેમેજ કરે છે.
દવાઓનો (ઓવરડોઝ) વધુ પડતો ઉપયોગ
લિવર મો દ્વારા શરીરમાં જનારી દવાઓ, જડીબુટ્ટીઓ અને પૂરક પદાર્થોને તોડી નાખવાનું કામ કરે છે. જો કે, આ વસ્તુઓનું વધારે પડતું સેવન ધીમી ગતિએ લીવરને નુકસાન કરે છે. તમારી આ ભૂલ પણ લિવર ફેલ થવાનું કારણ બની શકે છે.
ઓછી ઉંઘ આવવી
ઓછી ઊંઘ આવવી એ પણ આપણા લિવર માટે પણ ખૂબ જ નુકસાનકારક સાબિત થઈ શકે છે. એક અભ્યાસમાં એવો દાવો પણ કરવામાં આવ્યો છે કે, વ્યક્તિની ખરાબ ઊંઘ પણ લીવરના ઓક્સિડેટીવ તણાવનું કારણ બની શકે છે. એટલાં માટે ડૉક્ટરો લોકોને દિવસમાં લગભગ 8 કલાક ઊંઘવાની સલાહ આપે છે.
સ્થૂળતા અને ખરાબ પોષણ
ખાવાની ખરાબ ટેવો પણ અમુક સમય બાદ તમારા લિવરને નુકસાન પહોંચાડી શકે છે. હાઈ કેલરી ફુડ, ટ્રાન્સ ફેટ, સેચ્યુરેટેડ ફેટ અને સુગર જેવી વસ્તુઓના વધારે પડતા સેવનથી પણ આપણા લીવર પર ચરબી જમા થવા લાગે છે. સ્થૂળતાથી પીડિત લોકોમાં આ પ્રકારની સમસ્યા વધારે જોવા મળે છે. આથી, સ્થૂળતાની સાથે-સાથે ખાવાની ખરાબ આદતો પર પણ ધ્યાન આપવું ખાસ જરૂરી છે.
વધુ પડતું વિટામિન A
આપણા શરીરને વિટામિન Aની પણ ખાસ જરૂરિયાત હોય છે. આથી શરીરમાં તેની ઊણપને પૂર્ણ કરવા માટે તાજા ફળો અને શાકભાજી ખાવા એ જ સૌથી શ્રેષ્ઠ વિકલ્પ છે. એમાંય લાલ, કેસરી અને પીળા રંગના ફળો અને શાકભાજી વધુ ફાયદાકારક માનવામાં આવે છે. પરંતુ જો તમે વિટામિન-Aની વધુ માત્રા સાથે સપ્લિમેન્ટ લો છો તો તે તમારા લિવર માટે ઘાતક સાબિત થઈ શકે છે. આથી, તેને લેતા પહેલાં ડૉક્ટરની સલાહ જરૂરથી લો.
દારૂ-સિગારેટ
દારૂ પીવો અથવા તો સિગારેટની ખરાબ આદત પણ તમારા લિવરને ડેમેજ કરી શકો છો. વાસ્તવમાં, આલ્કોહોલ અને તંબાકુ લિવરના ટોક્સિનને બહાર નીકાળવાની ક્ષમતાને પ્રભાવિત કરી શકે છે. તાજેતરમાં જ થયેલા એક અભ્યાસ દરમ્યાન દરરોજ ત્રણ ગ્લાસ દારૂ પીનારાઓમાં પણ લિવર કેન્સર થવાની શક્યતા વધારે રહેલી હોય છે.