કોરોના વાયરસના કહેર વચ્ચે દુનિયા ત્રાહિમામ પોકારી ગઈ છે. આ વાયરસને લીધે મરનારાની સંખ્યામાં સતત વધારો થઈ રહ્યો છે. અમેરિકાના રાષ્ટ્રપતિ ડોનાલ્ડ ટ્રમ્પે ફરીથી કોરોના ટેસ્ટ કરાવ્યો હતો. જે નેગેટિવ આવ્યો છે. ત્યારે અમેરિકામાં છેલ્લા 24 કલાકમાં 1169 લોકોનામોત નિપજ્યા છે. વૈશ્વિક મહામારી કોરોનાને લીધે અત્યાર સુધીમાં 56,987 લોકોના મોત નિપજ્યા છે. જ્યારે 1,074,254 લોકો કોરોનાગ્રસ્ત થયા છે. સારી બાબત એ છે કે 226,054 લોકો સાજા થઈ ગયા છે. જ્યારે હાલ એક્ટિવ કેસની સંખ્યા 791,213 છે. અમેરિકા, ઈટલી, સ્પેન અને જર્મનીમાં કોરોનાના દર્દીઓનો આંક ચીન કરતા વધારે છે. જ્યારે અમેરિકા, ઈટલી, સ્પેન, જર્મની અને ફ્રાન્સના મૃત્યુ આંકે ચીનને પાછળ છોડી દીધું છે.
કોરોના મુદ્દે ચીનની તરફદારી કરવા બદલ WHOથી જાપાન નારાજ
ઇટાલીમાં કેસીસ નિયંત્રણમાં આવી રહ્યા હોવાનો અંદેશો
કોરોનાનો કહેર 204 દેશોમાં ફેલાયો
યુરોપમાં કુલ મૃતકો પૈકી 95 ટકા 60 વર્ષથી ઉપરની વયના
કોરોના મુદ્દે ચીનની તરફદારી કરવા બદલ WHOથી જાપાન નારાજ
WHO કોરોના વાયરસને ચીન સાથે ન સાંકળવા માટે વારંવાર અપીલ કરે છે. આ મુદ્દે જાપાનના નાયબ પ્રધાનમંત્રીએ પોતાની નારાજગી વ્યક્ત કરી હતી. તેમણે કહ્યું હતું કે જો WHOએ સમયસર વિશ્વને જાણ કરી હોત કે ચીનથી આવો એક વાયરસ આવી રહ્યો છે તો આટલી ખાનાખરાબી ન સર્જાઈ હોત. તેમણે WHOને તેમનું નામ બદલીને ચાઇનીઝ હેલ્થ ઓર્ગેનાઈઝેશન કરી નાખવાની પણ ટિપ્પણી કરી હતી.
ઇટાલીમાં કેસીસ નિયંત્રણમાં આવી રહ્યા હોવાનો અંદેશો
ઇટાલી ઘણા લાંબા સમય સુધી ચીન પછીનું કોરોનાનું એપીસેન્ટર રહ્યું. જો કે હવે અહેવાલ આવી રહ્યા છે કે દેશમાં ૮મી માર્ચથી દરરો વધતા કેસની ટકાવારીમાં ઘટાડો શરુ થઇ ગયો હતો. હજુ પણ કેસીસ વધી રહ્યા છે પણ તેની ઝડપ પહેલા કરતા ઓછી થઇ છે. જો કે હજુ દેશને કડક લોક ડાઉનની જરૂર છે પણ નજીકના ભવિષ્યમાં ઇટાલી કોરોનાથી મુક્ત થશે તેવું આંકડાઓ ઉપરથી લાગી રહ્યું છે.
અમેરિકામાં 24 કલાકમાં અહીં 1169 લોકોના મોત
અમેરિકા ભયના ઓથાર હેઠળ છે. અહીં કોરોનાગ્રસ્ત લોકોની સંખ્યા 245,373 થઈ ગઈ છે. જ્યારે 24 કલાકમાં અહીં 1169 લોકોના મોત નિપજ્યા હોવાથી મૃત્યુઆંક 6,095 થઈ ગયો છે. જે ચીનથી બેગણો થવાની નજીક પહોંચ્યો છે. કોરોનાના ભય હેઠળ રાષ્ટ્રપતિ ડોનાલ્ડ ટ્રમ્પે ફરીથી એટલે કે બીજી વાર કોરોનાનો ટેસ્ટ કરાવ્યો હતો. સારા સમાચાર એ છે કે તેમનો ટેસ્ટ ફરીથી નેગેટિવ આવતા તેમણે રાહતનો શ્વાસ લીધો, અમેરિકામાં કોરોનાની સાથે બેરોજગારીની સ્થિતિ ગંભીર બની રહી છે. સૂત્રોના જણાવ્યાનુસાર અત્યાર સુધીમાં અમેરિકામાં આશરે એક કરોડ લોકો બેરોજગારી ભથ્થા માટે અરજી કરી ચુક્યા છે. જોકે અહીંના શ્રમ મંત્રાલયના અંદાજા પ્રમાણે અહીં 33 લાખ લોકો હાલ બે રોજગાર છે. આ બન્ને આંકડાનો વિરોધાભાસ શંકા ઉપજાવે તેવો છે. અમેરિકાના 50 રાજ્યમાંથી એક માત્ર વ્યોમિંગ જે એવું રાજ્ય છે જ્યાં એકપણ મોત થયું નથી. અહીં 137 પોઝિટિવ કેસ છે. અમેરિકાના સ્વાસ્થ્ય વિશેષજ્ઞ ડેબોરાહ બ્રિક્સે કહ્યું કે છે આ કોરોના વાઈરસનાએન્ટિબોડી ટેસ્ટ આ મહિને થઈ શકે છે.
ફાન્સ અને સ્પેનની સ્થિતિ દયનીય
ફ્રાન્સના વૃદ્ધાશ્રમોમાં 884 લોકોના મોત કોરોનાને લીધે થયા છે.
ઈઝરાઈલના સ્વાસ્થ્ય મંત્રી કોરોના ગ્રસ્ત
ઈઝરાઈલના સ્વાસ્થ્ય મંત્રી યાકોવ લિત્જમૈન કોરોના ગ્રસ્ત છે. જેથી તેમને આઈસોલેટ કરવામાં આવ્યા છે. આ બાદ તેમના સંપર્કમાં આવેલા મોસાદ પ્રમુખ યોસ્સી કોહેન તથા રાષ્ટ્રીય સુરક્ષા સલાહકાર મીર બેન શબ્બાત સહિત તમામ લોકોને ક્વોરન્ટાઈન કરવામાં આવ્યા હતા. સ્વાસ્થ્ય મંત્રાલયે ગરુવારે આપેલા નિવેદનમાં જણાવ્યું હતું કે લિત્જમૈન અને તેમની પત્નીને ક્વોરન્ટાઈન કરાયા હતા. જેઓ સાજા છે એટલું જ નહીં છેલ્લા 2 અઠવાડિયામાં મંત્રીઓના સંપર્કમાં આવનારા તમામને ક્વોરન્ટાઈન થવા કહેવામાં આવ્યું છે. ઈઝરાયલમાં 25 ટકા લોકોએ નોકરી ગુમાવી છે. માર્ચની શરૂઆતમાં 8 લાખ 43 હજાર 945 નવા બેરોજગાર લોકોએ નોંધણી કરાવવાની સાથે કુલ બેરોજગાર 1,0 04, 316 થઈ ગઈ છે. ઈઝરાયલ સરકારે આ પરિસ્થિતિને પહેંચી વળવા 22.5 અબજ ડોલરના પેકેજની જાહેરાત કરી છે.
ઓસ્ટ્રેલિયાના વૈજ્ઞાનિકોએ રસીનું પરિક્ષણ શરુ કર્યુ છે. કોમનવેલ્થ સાયન્ટિફિક એન્ડ ઈડસ્ટ્રીયલ રિસર્ચ ઓર્ગેનાઈઝેશન(સીએસઆઈઆરઓ)ના વૈજ્ઞાનિકોએ કહ્યું છે કે તેઓ પરિક્ષણ કરી રહ્યા છે રસી કેટલી અસરકારક છે. તેઓ રસી આપવા માટે ઈન્જેક્શન આપવા અથવા નાકના સ્પે જેવા ઉપાયો શોધી રહ્યા છે. ઓસ્ટ્રેલિયન એનિમલ હેલ્થ લેબોરેટરીના ડાયરેક્ટર પ્રો. ટ્રેવર ડૂએ જણાવ્યુ છે કે તે જાન્યુઆરીથી સાર્સ સીઓવી-2નો અભ્યાસ કરી રહ્યા છીએ.
સંયુક્ત રાષ્ટ્ર સુરક્ષા પરિષદની બેઠક થઈ શકે છે
કોરોના વાયરસની મહામારી પર ચર્ચા કરવા માટે અંતે સંયુક્ત રાષ્ટ્ર સુરક્ષા પરિષદની સફાળુ જાગ્યું છે. તેની પહેલી બેઠક આ અઠવાડિયે અથવા તેની પણ પહેલા થઈ શકે છે. વિશ્વ નિકાયની આ મુખ્ય સંસ્થાના હાલના અધ્યક્ષ ડોમિનિકન ગણરાજ્યના રાજદૂત જોસ સિંગરે આ માહિતી આપી છે. અપ્રિલ મહિનામાં આની અધ્યક્ષતા ડોમિનિકન ગણરાજ્યની પાસે છે. ગત મહિને આ ચીન પાસે હતી.
1883માં અમલમાં આવેલ આ નિયમ તુટ્યો
જ્યારે સ્પેનમાં એક જ રાતમાં 950 લોકોના મોત નિપજ્યા છે. જેનો આંક 10,348 પહોંચ્યો છે. અહીં કોરોના ગ્રસ્તનો આંકડો 112,065 એ પહોંચ્યો છે. કોરોનાને લીધે તેની ઈકોનોમીને ફટકો પડ્યો છે. માર્ચ મહિનામાં સામાજીક સુરક્ષા સ્કીમ સાથે જોડાયેલા 8 લાખ કરતા વધારે કામદારોને આ સ્કીમ બાકાત કરાયા છે. આ દેશમાં વર્ષ 1883માં બનેલી એક સમિતિએ લોકોની સામાજીક સુરક્ષા ઉપલબ્ધ કરાવવાની શરૂઆત કરી હતી. 20મી સદીમાં તેમાં ફેરફાર થયા હતા. વર્ષ 1978માં દેશના કાયદામાં સુધારો કરવામાં આવતા અનુચ્છેદ 41 અંતર્ગત નાગરિકોને સામાજીક સુરક્ષા અધિકાર આપવામાં આવ્યો હતો. તેમા તમામ સરકારી એજન્સીઓ નાગરિકોને સામાજીક સુરક્ષા આપવાની જોગવાઈ છે.
ફિલિપાઈન્સના રાષ્ટ્રપતિએ ગોળી મારવાનો આપ્યો આદેશ
ફિલિપાઈન્સ પણ કોરોનાના કહેરથી બાકાત નથી. અહીં2,633 કેસ નોંધાયા છે તો 107 લોકોના મોત થયા છે. આ દરમિયાન રાષ્ટ્રપતિ દુતેર્તેએ ક્વોરન્ટિન દરમિયાન હિંસક પ્રદર્શન કરનાર લોકોને ગોળી મારવાનો આદેશ આપ્યો છે. ઉલ્લેખનીય છે કે મેટ્રો મનીલામાં ભોજન વિતરણ દરમિયાન પ્રદર્શનકારીઓ હિંસક થયા હતા. જેને પગલે દુતેર્તેએ કહ્યું હતું કે પોલીસ અને સેનાને મેં આદેશ આપ્યો છે કે કોઈ મુશ્કેલી ઊભી કરે છે અને જીવનું જોખમ ઊભુ કરે છે તેઓને ગોળી મારી દો. કોઈ સ્વાસ્થ્ય કર્મચારીઓને નુકસાન ન પહોંચાડવાની પણ તેઓએ અપીલ કરી.