વૉરેન બફેટને દુનિયાના સૌથી દિગ્ગજ શેર માર્કેટના રોકાણકાર માનવામાં આવે છે. તેમની દરેક ચાલ પર દુનિયાના લોકોની નજર રહે છે. હાલમાં જ તેઓએ રોકાણકારોને સફળતાના કેટલાક મંત્રો આપ્યા છે. બફેટે રોકાણની મહત્વની અને પાયાની વાતો જણાવી છે. તેમની આ વાતોથી ભારતીય રોકાણકાર પાંચ પ્રમુખ વાતો જાણી શકે છે.
દુનિયાના સૌથી દિગ્ગજ રોકાણકાર છે વૉરેન બફેટ
બફેટે હાલમાં જ આપ્યા રોકાણકારોને રોકાણના મંત્રો
બફેટની સલાહ અપનાવીને તમે પણ કરી શકો છો રોકાણ
અમેરિકી કંપની બર્કશાયર હેથવેના સીઈઓ વૉરેન બફેટ દુનિયાના સૌથી દિગ્ગજ શેરમાર્કેટ રોકાણકાર માનવામાં આવે છે. કોરોનાના કારણે આ વર્ષે બર્કશાયર હેથવેની વાર્ષિક મહાસભા યોજાઈ નથી. તે દર વર્ષે ઓમાહામાં યોજાય છે. બફેટે રોકાણકારોનું ઓનલાઈન સ્વાગત કર્યું અને તેમને સફળતાના કેટલાક મંત્રો આપ્યા. તેમની 5 વાતો દરેક ભારતીય રોકાણકાર માટે મુખ્ય છે.
1. વધારો નક્કી છે પરંતુ સચેત રહો
શેરબજારમાં તમને ફાયદો મળી શકે છે. તમારા રોકાણમાં ગ્રોથ હોવો જોઈએ. સાથે તમારે સચેત રહેવાની જરૂર છે. 2008ની મંદી બાદ બફેટે શેરબજારમાં ખૂબ ખરીદી કરી. આ વર્ષે તેઓ સચેત રહીને પગલાં લઈ રહ્યા છે. તેઓએ કહ્યું એક અઠવાડિયું, એક મહિનો કે એક વર્ષમાં બજારમાં કંઇ પણ થઈ શકે છે. અમેરિકા આગળ વધશે તેનો તેમને વિશ્વાસ છે, આ રીતનો ભરોસો આપણે આપણા દેશના વિકાસમાં પણ કરી શકીએ છીએ. આપણે ભારતના વિકાસ પર દાવ લગાવી શકીએ છીએ.
2. શેરબજારને રમત ન સમજો
બફેટ હજુ પણ ઈક્વિટી શેરના રોકાણને વધારે મજબૂત માને છે. સાથે જ તેમની એ ચેતવણી પણ છે કે શેર બજારને રમત ન સમજો પણ સમજો કે કોઈ કંપનનીમાં ભાગીદારી લઈ રહ્યા છો. તેઓએ કહ્યું કે ઈક્વિટીથી તમને લોન્ગ ટર્મમાં તમને બોન્ડ, ટ્રેઝરી વગેરેની સરખામણીએ સારું રિટર્ન મળશે તે નક્કી છે. શરત એ છે કે તમે તેને જુગાર સમજીને ન રમો.
3. ભૂલનો સ્વીકાર કરો અને તેનાથી દૂર રહો
બફેટ એવિએશનના શેરને લઈને ઘણી રોકાણકારો હતા. તેઓએ કોરોના પહેલાં અનેક એરલાઈન્સના શેરમાં રોકાણ કર્યું. પણ તેમને માટે આ ઝટકા સમાન સાબિત થયું. આ એપ્રિલમાં તેઓએ દરેકને વેચી દીધા. તેઓએ સ્વીકાર કર્યું કે આ એક ભૂલ હતી. અહીં તમારા માટે આ સમજવાનું છે કે શેરથી મોહ ન રાખો. તમારો નિર્ણય ખોટો સાબિત થાય છે તો તેનાથી અંતર બનાવો.
4. ઈન્ડેક્સ રોકાણ સૌથી સારી રીત છે
વૉરેન બફેટનું કહેવું છે કે સામાન્ય રોકાણકાર માટે સૌથી સારું છે કે તે ઈન્ડેક્સ ઈનવેસ્ટિંગ કરે. તમામ સલાહકારોની સલાહ માનવી એ નુકસાન કરવાથી સારું છે. ઈન્ડેક્સ ઈન્વેસ્ટિંગનો અર્થ થાય છે કે તમે સેન્સેક્સની 30 કંપનીઓ કે નિફ્ટીની 50 કંપનીઓ જેવી કોઈ ઈન્ડેક્સના દરેક શેરોમાં રોકાણ કરો. આ સિવાય કેટલાક ઈન્ડેક્સ ફંડમાં પણ તમે રોકાણ કરી શકો છો. જેમકે નિફ્ટી, નેક્સ્ટ 50, નિફ્ટી 500 વગેરે.
5. ઉધારના ભરોસે ન રહો
એક એવો સમય જ્યારે લોકોનું જીવન ક્રેડિટ કાર્ડ પર નિર્ભર થયું છે ત્યારે વૉરેન બફેટ આ સલાહ આપી રહ્યા છે કે તમારા ક્રેડિટ કાર્ડના ઉપયોગથી બચવું જોઈએ. તેઓએ કહ્યું કે ક્રેડિટ કાર્ડનો ઉપયોગ પિગ્ગી બેંકની જેમ કરવાથી બચો. તેનો કોઈ મતલબ નથી. આ સાથે તેમની એ પણ સલાહ છે કે કોઈ પણ ઉધાર લઈને શેરબજારમાં રોકાણ કરવાનું ક્યારેય વિચારવું નહીં.