વિશ્વનુ સૌથી મોટુ મંદિર ભારતમાં નથી. પરંતુ એવા દેશમાં છે, જ્યાં એક પણ હિન્દુ નથી. આ મંદિરને વિશ્વના સૌથી પ્રખ્યાત ધાર્મિક સ્થળોમાં માનવામાં આવે છે.
આ દેશમાં છે વિશ્વનુ સૌથી મોટુ મંદિર
આ દેશમાં એક પણ હિન્દુ નથી
કમ્બોડિયામાં આવેલા આ મંદિરનું નામ છે અંકોરવાટ
તામિલનાડુનુ રંગનાથ સ્વામી મંદિર વિશ્વનું સૌથી મોટુ મંદિર નથી
દેશમાં જ્યારે વિશ્વના સૌથી મોટા હિન્દુ મંદિરની વાત કરવામાં આવે છે તો સામાન્ય રીતે તામિલનાડુના રંગનાથ સ્વામી મંદિરનો ઉલ્લેખ કરવામાં આવે છે. પરંતુ તમને જાણીને આશ્ચર્ય થશે કે 6 લાખ 31 હજાર વર્ગ મીટરમાં ફેલાયેલુ આ મંદિર વિશ્વનું સૌથી મોટુ મંદિર નથી.
અહીં છે દુનિયાનુ સૌથી મોટુ હિન્દુ મંદિર
દુનિયાનુ સૌથી મોટુ મંદિર ભારતમાં નહીં, પરંતુ એક એવા દેશમાં છે જ્યાં એક પણ હિન્દુ નથી. આ દેશનુ નામ છે કમ્બોડિયા. મંદિરનુ નામ છે અંકોરવાટ. આ મંદિર સિમરિપ શહેરમાં સ્થિત છે. ભગવાન વિષ્ણુના આ મંદિરનુ ક્ષેત્રફળ 8 લાખ 20 હજાર વર્ગ મીટર છે. આ મંદિર UNESCO તરફથી વિશ્વ ધરોહર પણ જાહેર થયુ છે. આ મંદિરને દુનિયાના સૌથી પ્રખ્યાત ધાર્મિક સ્થળોમાં માનવામાં આવે છે. મંદિરનુ નિર્માણ 1112 થી 1153 ઈસ્વીમાં થયુ.
મંદિરના ત્રણેય ખંડોમાં મૂર્તિઓ બનાવવામાં આવી
દુનિયાના સૌથી મોટા મંદિરનો આકાર દિલ્હીના અક્ષરધામ મંદિરના આશરે 4 ગણો છે. મંદિરની ખાસ વાત તેની ચો તરફ ખાઈના રૂપમાં બનેલુ સુરક્ષા કવચ છે, જેની પહોળાઈ 700 ફૂટ આસપાસ છે. મંદિર એક ઊંચા ચબુતરા પર સ્થિત છે, જેમાં ત્રણ ખંડ છે. આ ત્રણેય ખંડોમાં મૂર્તિઓ બનાવવામાં આવી છે. દરેક ખંડથી ઉપરના ખંડ સુધી પહોંચવા માટે સીડી બનાવવામાં આવી છે. દરેક વિભાગમાં 8 ગુંબજ છે. આ બધા ગુંબજ 180 ફૂટ ઊંચા છે. મુખ્ય મંદિર ત્રીજા ખંડની છત પર સ્થિત છે.