કોરોના વાયરસ પછી હવે સમગ્ર વિશ્વમાં મંકીપોક્સના ચેપનો ભય છે. અત્યાર સુધીમાં, સમગ્ર વિશ્વમાંથી મંકીપોક્સના 200 થી વધુ કેસ નોંધાયા છે.
કોરોના બાદ વધું એક નવી બિમારી આવી
દુનિયા ભરમાં ફેલાઈ રહ્યો છે આ વાયરસ
WHOએ કહી આ મોટી વાત
કોરોના વાયરસ પછી હવે સમગ્ર વિશ્વમાં મંકીપોક્સના ચેપનો ભય છે. અત્યાર સુધીમાં, સમગ્ર વિશ્વમાંથી મંકીપોક્સના 200 થી વધુ કેસ નોંધાયા છે. બ્રિટન, અમેરિકા, જર્મની, ફિનલેન્ડ જેવા દેશોમાં વાયરસ ઝડપથી પોતાની પકડ જમાવી રહ્યો છે. વર્લ્ડ હેલ્થ ઓર્ગેનાઈઝેશન (WHO) એ પણ મંકીપોક્સ વાયરસ અંગે ચિંતા વ્યક્ત કરી છે.
શુક્રવારે, વિશ્વ આરોગ્ય સંસ્થાના અધિકારીએ પણ મંકીપોક્સ ટ્રાન્સમિશનના સમુદાયમાં ફેલાવાની સંભાવના વ્યક્ત કરી છે. જો કે, તેમના તરફથી એમ પણ કહેવામાં આવ્યું હતું કે, જો સમયસર યોગ્ય પગલાં લેવામાં આવે તો તેના ફેલાતા રોકી શકાય છે.
બિન-સ્થાનિક દેશોમાં ઝડપથી ફેલાતો ચેપ
મંકીપોક્સ બહુ જૂનો રોગ છે. તે આફ્રિકન દેશોમાં ઘણા સમયથી છે, પરંતુ આ વખતે સ્થિતિ ઘણી અલગ છે કારણ કે, હવે આ રોગ આફ્રિકાથી અન્ય દેશોમાં ઝડપથી ફેલાઈ રહ્યો છે. હવે બિન-સ્થાનિક દેશોમાં તેના વધતા જતા કેસોએ સમગ્ર વિશ્વને ચિંતિત કરી દીધું છે.
200 થી વધુ કેસોની પુષ્ટિ થઈ છે
વિશ્વના લગભગ 20 દેશોમાં 200 થી વધુ કેસોની પુષ્ટિ થઈ છે, જે તમામ એવા દેશો છે જ્યાં આ રોગ પહેલા ક્યારેય ન હતો. છેલ્લા કેટલાક દિવસોમાં મંકીપોક્સનો ચેપ બિન-સ્થાનિક દેશોમાં ઝડપથી ફેલાયો છે. મંકીપોક્સની ચર્ચા કરતી વખતે, શુક્રવારે, WHO અધિકારી, સિલ્વી બ્રાઇડે, તેના સમુદાયમાં ફેલાવાની સંભાવના વ્યક્ત કરતા કહ્યું કે, જો યોગ્ય સમયે યોગ્ય પગલાં લેવામાં આવે તો તેના ફેલાવાને રોકી શકાય છે.
તેમણે ભારપૂર્વક જણાવ્યું હતું કે, જો મંકીપોક્સ સમુદાયમાં ફેલાય તે પહેલાં તેને અટકાવવો હોય, તો આપણે વ્યૂહરચના કરવી પડશે અને યોગ્ય નિર્ણયો લેવા પડશે. અધિકારીએ લોકોને મંકીપોક્સની ચિંતા ન કરવાની અપીલ કરી છે. તેણે કહ્યું કે, તેનો વાયરસ કોરોના વાયરસ કરતા ઘણો ધીમો છે. વર્લ્ડ હેલ્થ ઓર્ગેનાઈઝેશનના એક અધિકારીએ જણાવ્યું કે હાલમાં મંકીપોક્સ માટે સામૂહિક રસીકરણની જરૂર નથી.