બચવાનો ઉપાય / મંકિપોક્સનો ખતરો ધરાવતા લોકો થોડો સમય સેક્યુઅલ રિલેશન ઘટાડે- WHO ડિરેક્ટરની મોટી સલાહ

• દુનિયા મંકિપોક્સનો ખતરો વધતા WHO એક્શનમાં
• મંકિપોક્સનો ખતરો ધરાવતા લોકોને કરી અપીલ
• થોડો સમય સેક્સુઅલ રિલેશન ઘટાડો

મંકિપોક્સ જાતિય સંબંધોને કારણે ફેલાય છે તેવું સામે આવ્યાં બાદ હવે વર્લ્ડ હેલ્થ ઓર્ગેનાઈઝેશ ડિરેક્ટર ટેડ્રોસ ઘેબ્રેયસે લોકોને જાતિય સંબંધો ઓછા કરવાની સલાહ આપી છે. 

લોકો સેક્સ સંબંધો ઓછા બાંધે
એક નિવેદન બહાર પાડતા ટેડ્રોસ ઘેબ્રેયસે કહ્યું કે જે લોકો મંકિપોક્સનો ખતરો ધરાવે છે તેવા લોકોએ થોડો સમય સેક્યુઅલ રિલેશન બાંધવામાંથી દૂર રહેવું જોઈએ તો તેઓ આ વાયરસથી બચી શકે છે. કારણ કે આ વાયરસ જાતિય સંબંધોને કારણે વધારે ફેલાય છે તેથી સાવધાની રાખવી જરુરી છે. 

ગે લોકોમાં વધારે ફેલાય છે મંકિપોક્સ 
WHOના ડાયરેક્ટર જનરલ ડો. ટેડ્રોસ અધાનમ ઘેબ્રેયસસ કહે છે કે મંકીપોક્સનો પ્રકોપ એવા પુરૂષોમાં વધુ જોવા મળે છે જેઓ પુરુષ સાથે સેક્સ કરે છે. તેમાં પણ આ રોગ ખાસ કરીને એવા પુરૂષોમાં વધુ ફેલાય છે જેમના ઘણા સેક્સ પાર્ટનર હોય છે. જોકે, હજુ સુધી એ સ્પષ્ટ નથી થયું કે આ રોગ જાતીય સંબંધોથી ફેલાય છે કે કેમ.WHOના મહાનિર્દેશક સાથે, ઘણા આરોગ્ય નિષ્ણાતો અને ચેપી રોગના નિષ્ણાતો પણ મંકીપોક્સને એસટીડી એટલે કે સેક્સ્યુઅલી ટ્રાન્સમિટેડ ડિસીઝ માનવા માટે સંપૂર્ણપણે તૈયાર નથી.

The head of the World Health Organisation advises men at risk of monkeypox to consider limiting sexual partners for now, reports AP

— Press Trust of India (@PTI_News) July 27, 2022

મંકીપોક્સ સેક્સ દ્વારા ફેલાતો રોગ- ડૉ. સંજય રાય 

એઈમ્સમાં કોમ્યુનિટી મેડિસિનનાં પ્રોફેસર ડૉ. સંજય રાય કહે છે કે મંકીપોક્સ એ STD છે કે સેક્સ દ્વારા ફેલાતો રોગ છે તે કહી શકાય તેવા પૂરતા પુરાવા અમારી પાસે નથી. જ્યારે પબ્લિક હેલ્થ ફાઉન્ડેશન ઓફ ઈન્ડિયાના લાઈફ કોર્સ એપિડેમિઓલોજીના વડા પ્રોફેસર ડૉ. ગિરધર બાબુ કહે છે કે જે પુરુષો પુરુષો સાથે સેક્સ કરે છે તેઓ મંકીપોક્સના ઉચ્ચ જોખમવાળા દર્દીઓમાં સામેલ છે. પરંતુ આ એકમાત્ર કેસ નથી.મંકીપોક્સના દર્દીઓના નજીકના સંપર્કમાં રહેતા અને તેમના ઘાને સ્પર્શ કરતા લોકોને પણ આ રોગ થઈ શકે છે.

95 ટકા લોકોમાં મંકિપોક્સ જાતિય સંપર્કને કારણે ફેલાયો 
ન્યુ ઈંગ્લેન્ડ જર્નલ ઑફ મેડિસિનમાં પ્રકાશિત થયેલા આ અભ્યાસમાં 27 એપ્રિલથી 24 એપ્રિલની વચ્ચે 16 દેશોના 528 પુષ્ટિ થયેલા દર્દીઓ પર સંશોધન કરવામાં આવ્યું હતું. અભ્યાસમાં દાવો કરવામાં આવ્યો છે કે 95 ટકા દર્દીઓમાં આ રોગ જાતીય સંપર્કને કારણે પહોંચ્યો હતો.આ દર્દીઓમાંથી, 98 ટકા ગે અથવા બાયસેક્સ્યુઅલ પુરુષો છે. 41 ટકાને HIV છે, જે જાતીય સંપર્ક દ્વારા પણ ફેલાય છે. 

મંકિપોક્સ ખતરાની ઘંટડી
વિશ્વ આરોગ્ય સંગઠનના મુખ્ય વૈજ્ઞાનિક ડોક્ટર સૌમ્યા સ્વામીનાથને એવું કહ્યું કે મંકિપોક્સ આપણા બધા માટે ખતરાની ઘંટડી છે.