કોરોના મહામારીનો ખતરો હજૂ પણ ટળ્યો નથી, ત્યારે હવે દુનિયાની સામે નવી એક મહામારીનો ખતરો ઉભો થયો છે.
દુનિયામાં નવી બિમારીની એન્ટ્રી થઈ
કોરોના બાદ વધુ એક વાયરસ આવ્યો
WHNએ મહામારી ઘોષિત કરી
છેલ્લા બે વર્ષથી સમગ્ર દુનિયા કોરોના મહામારીની ચપેટમાં છે. ત્યારે હવે ફરી એક વાર કોરોનાના વધતા કેસોએ ચિંતા વધારી છે. કોરોના મહામારીનો ખતરો હજૂ પણ ટળ્યો નથી, ત્યારે હવે દુનિયાની સામે નવી એક મહામારીનો ખતરો ઉભો થયો છે. છેલ્લા કેટલાય મહિનામાં વિશ્વના અલગ અલગ દેશોમાં મેકીપોક્સના કેસો સામે આવ્યા છે. હવે વર્લ્ડ હેલ્થ નેટવર્કે મંકીપોક્સને મહામારી ઘોષિત કરી છે.
વર્લ્ડ હેલ્થ નેટવર્કે કહ્યું કે, મંકીપોક્સને મહામારી ઘોષિત કરવાનો એક માત્ર ઉદ્દેશ્ય તેના વ્યાપક નુકસાનથી બચવાનો છે. WHNએ કહ્યું છે કે, દુનિયાભરના દેશોએ મંકીપોક્સ વિરુદ્ધ એક ઠોસ પગલું ઉઠાવાની જરૂર છે. અધિકારીઓએ કહ્યું છે કે, એક સંક્રમણને તે સ્થિતિમાં મહામારી ઘોષિત કરવામાં આવે છે, જ્યારે એક વિસ્તૃત ક્ષેત્રમાં વધવા લાગે છે અને સામાન્ય લોકોને તે પ્રભાવિત કરવા લાગે છે.
વિશ્વ સ્વાસ્થ્ય સંગઠને બોલાવી બેઠક
WHNએ પોતાના સત્તાવાર નિવેદનમાં કહ્યું છે કે, અત્યાર સુધીમાં 58 દેશોમાં મંકીપોક્સના 3417 કેસોની પુષ્ટિ થઈ ચુકી છે અને તે મહામારી ઝડપથી કેટલીય દેશોમાં ફેલાઈ રહી છે. WHN તરફથી નિવેદન વિશ્વ સ્વાસ્થ્ય સંગઠની મંકીપોક્સને લઈને બેઠક થાય તે પહેલા આવ્યું છે. વિશ્વ સ્વાસ્થ્ય સંગઠને આ બેઠકમાં મીકીપોક્સને ગ્લોબલ હેલ્થ ઈમરજન્સી ઘોષિત કરવા પર વિચાર કરવા માટે બોલાવી છે.