સંયુક્ત રાષ્ટ્રની હાલમાં જાહેર થયેલ એક રિપોર્ટ મુજબ તાલિબાનના આધિપત્ય બાદ અફઘાનિસ્તાન વિશ્વનો સૌથી વધુ દુ:ખી દેશ બની ગયો છે. અહીં યુનિસેફે ચેતવણી આપી છે જો આ દેશને મદદ ના મળી તો 10 લાખ બાળકો ભૂખ્યા મરી જશે. ગઈ વખતની તુલનામાં ભારતની સ્થિતિમાં થોડો ફેરફાર થયો છે. જાણો શું કહે છે યુનાઈટેડ નેશન્સના વાર્ષિક હેપીનેસ ઈન્ડેક્સ.
અફઘાનિસ્તાન વિશ્વનો સૌથી વધુ દુ:ખી દેશ બની ગયો
યુનાઈટેડ નેશન્સના વાર્ષિક હેપ્પીનેસ ઈન્ડેક્સમાં કરાયો છે દાવો
તાલિબાનના કબજા હેઠળના અફઘાનિસ્તાનની સૌથી વધુ કથળતી સ્થિતિ
ભારતની યાદીમાં હવે 136મા નંબરે
દુનિયાના સૌથી આનંદીત દેશોની યાદીમાં ભારતની પોઝિશનમાં ફેરફાર થયો છે. હવે તે 136મા નંબરે આવી ગયો છે. જ્યારે આની પહેલા ભારતનુ રેન્કિંગ 139 હતુ. વિશ્વનો સૌથી ખુશ દેશ ફિનલેન્ડ છે. આશરે 60 લાખની આબાદી ધરાવતો ફિનલેન્ડ છેલ્લાં 5 વર્ષથી પહેલા નંબરે છે. યુનાઈટેડ નેશન્સના વાર્ષિક હેપ્પીનેસ ઈન્ડેક્સ મુજબ સૌથી ખરાબ સ્થિતિ તાલિબાનના કબજા હેઠળના અફઘાનિસ્તાનની છે. આ વિશ્વનો સૌથી દુ:ખી દેશ થયો છે. આ યાદીમાં અમેરિકા 16મા અને પાકિસ્તાન 121મા નંબરે છે. અફઘાનિસ્તાનમાં ઓગષ્ટ, 2021માં તાલિબાન સત્તામાં આવ્યાં બાદ અમેરિકા સહિત ઘણા દેશોએ આર્થિક પ્રતિબંધ લગાવી દીધો છે. જેનાથી સ્થિતિ બગડી ગઇ છે.
આ દેશોની સ્થિતિ પણ જાણો
સંયુક્ત રાષ્ટ્રની એજન્સી યુનીસેફે ચિંતા દર્શાવી છે કે જો અફઘાનિસ્તાનને સહાયતા ના મળી તો અહીં પાંચ વર્ષની નાની ઉંમરના અંદાજે 10 લાખ બાળકો ભૂખ્યા હોવાના કારણે મૃત્યુ પામશે. સર્બિયા, બુલ્ગારિયા અને રોમાનિયાનુ રેન્કિંગ સુધર્યુ છે. જેના કારણે અહીંના લોકોની સ્થિતિ અને સ્વાસ્થ્યમાં પહેલાની અપેક્ષાએ ઘણો ફેરફાર થયો છે. પરંતુ લેબનાન, વેનેઝુએલા અને અફઘાનિસ્તાનમાં લોકોની સ્થિતિ પહેલાની અપેક્ષાએ વધુ બગડી છે. ઝિમ્બાબ્વે અને લેબનાનમાં ઘોર આર્થિક મંદીને પગલે દેશની સ્થિતિ ખરાબ છે. વર્લ્ડ હેપીનેસ રિપોર્ટના લેખકોમાંથી એક જાન ઈમૈનુએલ ડી નેવે મુજબ આ ઈન્ડેક્સ સંબંધિત દેશો માટે એક રિમાઈન્ડર છે.