રશિયાથી સારા સમાચાર આવી રહ્યા છે. રુસના સ્વાસ્થ્ય મંત્રીએ કહ્યું કે વિશ્વસનીય રસીના ટ્રાયલ પુરા થઈ ચૂક્યા છે. આ એ જ રસી છે જેને ગામાલેયા ઇન્સ્ટીટ્યૂટે બનાવી હતી. આ ઉપરાંત વધુ 2 કંપનીઓએ ક્લીનીકલ ટ્રાયલ કરવાની પરવાનગી માંગી છે. ઉલ્લેખનીય છે કે ગામાલેયા ઈન્ટિટ્યૂટની રસીને લઈને દાવો કરવામાં આવ્યો છે કે તે 10 ઓગસ્ટના રોજ બજારમાં મુકવામાં આવશે.
પરિયોજનનાના ડાયરેક્ટર એલેક્જેન્ડર ગિન્સબર્ગે પોતે આ રસી લીધી હતી
તેનો સૌથી પહેલા લાભ ફ્રન્ટલાઈન હેલ્થવર્કર્સને થશે
રસીને 10 ઓગસ્ટે માર્કેટમાં લાવવા માટે કામ કરી રહ્યા છે
સ્પૂતનિક ન્યૂઝ ડોટ કોમના જણાવ્યાનુંસાર સ્વાસ્થ્ય મંત્રી મિખાઈલ મુરાશ્કોએ કહ્યું કે ગામાલેયાની રસીના ટ્રાયલ પુરા થઈ ચૂક્યા છે. હવે તેમના વૈજ્ઞાનિકો પર આધાર રાખે છે કે તેઓ તેને બજારમાં ક્યારે લાવે છે.
મોસ્કો સ્થિત ગામાલેયા ઈન્ટીટ્યૂટના વૈજ્ઞાનિકોએ ગત મહિને દાવો કર્યો હતો કે ઓગસ્ટના મધ્યમાં કોરોનાની પહેલી રસીને આપી શકે છે. એટલે કે આવતા 2 અઠવાડિયામાં તે બજારમાં લાવી દેશે. રુસના અધિકારીઓ અને વૈજ્ઞાનિકો તેને 10 ઓગસ્ટે માર્કેટમાં લાવવા માટે કામ કરી રહ્યા છે. આ તારીખે સામાન્ય લોકો તેનો ઉપયોગ કરી શકશે. તેનો સૌથી પહેલા લાભ ફ્રન્ટલાઈન હેલ્થવર્કર્સને થશે.
ઉલ્લેખનીય છે કે રસીના ટ્રાયલને લઈને કોઈ ડેટા રુસે જાહેર નથી કર્યો. જેથી આ કેટલી અસરકારક છે એ વિશે ટિપ્પણી કરી શકાય નહીં. કેટલાક લોકોએ એ વાતની ટીકા પણ કરી કે રસી લાવવા માટે રાજકીય દબાણ છે. આ ઉપરાંત તેના અધુરા હ્યુમન ટ્રાયલ પર પણ સવાલ થઈ રહ્યા છે.
રુસના રક્ષા મંત્રાલયનું કહેવું છે કે રુસી સૈનિકોએ હ્યુમન ટ્રાયલમાં વોલેન્ટિયર્સ તરીકે કામ કર્યું છે. દાવોછે કે પરિયોજનનાના ડાયરેક્ટર એલેક્જેન્ડર ગિન્સબર્ગે પોતે આ રસી લીધી હતી.