દુબઈ એક્સપો / કોરોનાકાળમાં વિશ્વનો સૌથી મોટો કાર્યક્રમ યોજાઈ રહ્યો છે દુબઈમાં, ભારત હશે આકર્ષણનું કેન્દ્ર

• આજથી દુબઈમાં વર્લ્ડ એક્સપોનો પ્રારંભ 
• વિશ્વના 192 દેશો જોશે ભારતની તાકાત 
• ભારતનું પેવેલિયન બન્યું આકર્ષણનું કેન્દ્ર 

દુબઈમાં 1 ઓક્ટોબરથી એટેલે કે આજથી વર્લ્ડ એક્સપોની શરૂઆત થઈ છે. જેથી હવે 6 મહિના સુધી 192 દેશો તેમની તાકાતા, ટેક્નોલોજી અને કલા સંસ્કૃતિ વિશ્વને બતાવશે. આ વર્ષે દુબઈ એક્સપોમાં ભારતની તાકાત પણ સમગ્ર વિશ્વ જોશે. કારણકે આ વખતે એક્સપોમાં સૌથી મોટું આકર્ષણ ભારતનું પેવેલિયન છે. 

નામચીન ગ્રુપ એક્સપોમાં જોડાયા 

વિશ્વના બધા દેશો આ એક્સપોમાં ભારતની તાકાત જોશે. ભારત માંથી ટાટા ગ્રુપ, રિલાયંસ ગ્રુપ, વેદાંતા, HSBC જેવા નામચીન ગ્રુપની સાથે ઘણાબધા ગ્રપ આ એકસપોમાં ભાગ લેવાના છે. આ વર્ષે દુભઈનો વર્લ્ડ એક્સપો કઈક અલગ રીતનો રહેવાનો છે. 

આ વખતનો દુબઈ એક્સપો અલગ રહેવાનો 

આપને જણાવી દઈએ કે આ વર્ષે મોટી કંપનીઓ અને ઉત્પાદકો સિવાય ટેક્નોલોજી અને ઈનોવેશનનો અદ્બુત સંગમ થવાનો છે. જેના કારણે આ વખતનો દુબઈ એક્સપો કઈક અલગ રીતનો રહેવાનો છે. આ એક્સપોમાં 192 દેશો ભેગ થશે, જેમા દરેક દેશ માટે અલગથી પેવેલિયનની વ્યવસ્થા પણ કરવામાં આવી છે. 

ભારતનું પેવેલિન સૌથી 

બધા દેશોના પેવેલિયન તેમની વધતી તાકાત અને ક્ષમતાને વિશ્વને બતાવશે. આ પેવેલિયનો 438 હેક્ટર ક્ષેત્રમાં ફેલાયેલા છે. જેમા કુલ 600 જેટલા નવા બ્લોક બનાવામાં આવ્યા છે. આ બ્લોક હંમેશા ફરતા રહે તે રીતે બનાવામાં આવ્યા છે. 

500 કરોડના ખર્ચે તૈયાર થયું પેવેલિયન 

સાંભળીને તમને નવાઈ લાગસે કે પેવેલિયન બનાવામાં 500 કરોડનો ખર્ચ કરવામાં આવ્યો છે. જેમા ભારતનું પેવેલિયન 11 અલગ અલગ થીમ પર બનાવામાં આવ્યું છે. જે ભારતની વધતી તાકાત તેમજ તેના રોકાણની સંભવનાઓ દેખાડશે. જેના કારણે સ્પેશ ટેક્નોલોજી, રોબોટિક્સ, સાયબર સિક્યોરિટી, હેલ્થકેયર, સ્ટૉર્ટઅપ્સ તેમજ મેક ઈન ઈન્ડિયામાં નિવેી સંભાવનાઓ બતાવશે. 

કોરોનાને કારણે ગત વર્ષે એક્સપો સ્થગિત થયો હતો 

ઉલ્લેખનીય છે કે દુબઈ એક્સપો 2020માં આયોજિત થવાનો હતો પરંતુ કોરોનાને કારણે તેને સ્થગિત કરવામાં આવ્યો હતો. હવે આ એક્સપો 1 ઓક્ટોબરથી શરૂ કરવામાં આવ્યો છે. પરંતુ આ એક્સપોને દુબઈ એક્સપો 2020જ નામ આપવામાં આવ્યું છે. આ ઈવેન્ટ 182 દિવસ સુધી ચાલશે જેમા જેમ 192 દેશો ભાગ લેવાના છે.