વિશ્વ / ઔરંગઝેબની કબરનો વિવાદ UN સુધી પહોંચ્યો, મુઘલ બાદશાહના વંશજએ પત્ર લખી કરી નાખી મોટી માગ

અંતિમ મુઘલ સમ્રાટ બહાદુર શાહ ઝફરના વંશજ હોવાનો દાવો કરનાર એક વ્યક્તિએ સંયુક્ત રાષ્ટ્રને પત્ર લખ્યો છે. સંયુક્ત રાષ્ટ્રને લખેલા પત્રમાં, વ્યક્તિએ ઔરંગઝેબની કબરનો ઉલ્લેખ કર્યો છે અને તેની સુરક્ષાની માંગ કરી છે. ઔરંગઝેબના મકબરા સાથે સંબંધિત વિવાદ તાજેતરના સમયમાં ખૂબ ચર્ચામાં રહ્યો છે. ગત મહિને નાગપુરમાં ઔરંગઝેબની કબર હટાવવાની માંગણી સાથે યોજાયેલી રેલી દરમિયાન હિંસા ફાટી નીકળી હતી. ઔરંગઝેબની કબર છત્રપતિ સંભાજીનગર જિલ્લાના ખુલદાબાદમાં આવેલી છે. છત્રપતિ સંભાજીનગર જિલ્લો અગાઉ ઔરંગાબાદ તરીકે ઓળખાતો હતો.

કોણ છે યાકુબ હબીબુદ્દીન તુસી?

યાકુબ હબીબુદ્દીન તુસી દાવો કરે છે કે તે મુઘલોનો વંશજ છે. તુસીએ પોતે સંયુક્ત રાષ્ટ્રના મહાસચિવ એન્ટોનિયો ગુટેરેસને પત્ર લખ્યો છે. તુસીએ પોતાના પત્રમાં દાવો કર્યો છે કે તે ઔરંગઝેબની કબર જ્યાં આવેલી છે તે વકફ મિલકતનો મુતવલ્લી (કેરટેકર) છે. તેમણે કહ્યું કે આ મકબરાને 'રાષ્ટ્રીય મહત્વનું સ્મારક' જાહેર કરવામાં આવ્યું છે અને તે પ્રાચીન સ્મારકો અને પુરાતત્વીય સ્થળો તેમજઅવશેષો અધિનિયમ, 1958 હેઠળ સુરક્ષિત છે.

તુસીએ આંતરરાષ્ટ્રીય કાયદાઓનો ઉલ્લેખ કર્યો

આંતરરાષ્ટ્રીય કાયદાઓનો હવાલો આપતા, બહાદુર શાહ ઝફરના વંશજોએ તેની સુરક્ષા માટે સુરક્ષા કર્મચારીઓ તૈનાત કરવાની માંગ કરી છે. અને પત્રમાં લખ્યું છે, "ફિલ્મો, મીડિયા આઉટલેટ્સ અને સોશિયલ પ્લેટફોર્મ દ્વારા ઐતિહાસિક તથ્યોની ખોટી રજૂઆતને કારણે, લોકોની લાગણીઓ સાથે રમત રમાઈ છે, જેના કારણે ગેરવાજબી વિરોધ થઈ રહ્યો છે,"

'તે આંતરરાષ્ટ્રીય કાયદાઓનું ઉલ્લંઘન કરશે'

યાકુબ હબીબુદ્દીન તુસીએ પત્રમાં જણાવ્યું હતું કે, "આવા સ્મારકોનો વિનાશ, ઉપેક્ષા અથવા ગેરકાયદેસર ફેરફાર આંતરરાષ્ટ્રીય કાયદાઓનું ઉલ્લંઘન હશે," આ પત્રમાં ભારત દ્વારા 1972ના વિશ્વ સાંસ્કૃતિક અને કુદરતી વારસાના સંરક્ષણ પર યુનેસ્કો સંમેલન પર હસ્તાક્ષર કરવાનો પણ ઉલ્લેખ કરવામાં આવ્યો છે.

વધુ વાંચો: VIDEO : વિશ્વમાં આ જગ્યાએ સૌથી વધુ પડે છે વીજળી, રાત્રે ચમકતું રહે છે આકાશ

'ઔરંગઝેબની કબરને રક્ષણ મળવું જોઈએ'

તુસીએ યુએન સેક્રેટરી-જનરલના કાર્યાલયને આ બાબતની નોંધ લેવા વિનંતી કરી છે. તેમણે યુએન સેક્રેટરી-જનરલના કાર્યાલયને વિનંતી કરી છે કે તેઓ કેન્દ્ર સરકાર અને ASI ને નિર્દેશ આપે કે ઔરંગઝેબની કબરને "રાષ્ટ્રીય અને આંતરરાષ્ટ્રીય કાયદાઓ અનુસાર સંપૂર્ણ કાનૂની રક્ષણ, સુરક્ષા અને જાળવણી" પૂરી પાડવામાં આવે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ