Friday, July 19, 2019
સબસ્ક્રાઈબ કરો VTVGujarati ન્યુઝ Whatsapp

WC 2019 / સેમી. પહેલાં બહાર ફેંકાઈ જવા છતાં પાકિસ્તાનની ઝોળીમાં મોટી રકમ આવી

સેમી. પહેલાં બહાર ફેંકાઈ જવા છતાં પાકિસ્તાનની ઝોળીમાં મોટી રકમ આવી

વર્લ્ડકપ પહેલાં પાકિસ્તાન સહિતની છ ટીમ ભલે લીગ રાઉન્ડ બાદ વર્લ્ડકપમાંથી બહાર ફેંકાઈ ગઈ હોય, તેમ છતાં એ ટીમો પોતાની ઝોળીમાં કરોડો રૂપિયા લઈને ઘેર પાછી ફરી છે. મેચો બાદ બહાર થયેલી ટીમોને ૭૦-૭૦ લાખ રૂપિયા મળે છે.બહાર ફેંકાયેલી ટીમે કેટલી કમાણી કરી?

આઇસીસી વર્લ્ડકપ અંતિમ તબક્કામાં છે. આજે ઈંગ્લેન્ડ-ઓસ્ટ્રેલિયા વચ્ચેની સેમિફાઇનલ અને ત્યાર બાદ ૧૪મી લોર્ડ્સની ફાઇનલ. ગઈ કાલે ટીમ ઇન્ડિયા પ્રથમ સેમિફાઇનલમાં ન્યૂઝીલેન્ડ સામે પરાજિત થઈ. જોકે એ પહેલાં પાકિસ્તાન સહિતની છ ટીમ ભલે લીગ રાઉન્ડ બાદ વર્લ્ડકપમાંથી બહાર ફેંકાઈ ગઈ હોય, તેમ છતાં એ ટીમો પોતાની ઝોળીમાં કરોડો રૂપિયા લઈને ઘેર પાછી ફરી છે. 

પાકિસ્તાન અને ન્યૂઝીલેન્ડના લીગ મેચ બાદ એકસરખા પોઇન્ટ હતા, પરંતુ વધુ વધુ સારા રનરેટને કારણે ન્યૂઝીલેન્ડે સેમિફાઇનલમાં પ્રવેશ મેળવ્યો હતો, જ્યારે પાકિસ્તાનની ટીમ બહાર ફેંકાઈ ગઈ હતી.

પાકિસ્તાન ટીમની ભારત સામે હારી જવાને કારણે જોરદાર ટીકાઓ થઈ રહી છે, પરંતુ વિશ્વકપથી ટીમે રૂ. ૨.૨૪ કરોડની કમાણી કરી છે. પાકિસ્તાને નવ લીગ મેચમાંથી પાંચ જીતી, જ્યારે એક મેચ વરસાદને કારણે રદ થઈ ગઈ. આઇસીસીના નિયમ અનુસાર દરેક મેચ જીતવા બદલ ટીમને એક નિશ્ચિત રકમ મળે છે.

ઈંગ્લેન્ડની યજમાનીમાં રમાઈ રહેલા વિશ્વકપમાં કુલ રૂ. ૭૦ કરોડની ઇનામી રકમ રાખવામાં આવી છે. વિશ્વકપની વિજેતા ટીમને લગભગ ૨૮ કરોડ રૂપિયાની ઇનામી રકમ મળશે, જ્યારે રનર્સઅપ ટીમને ૧૪ કરોડની કમાણી થશે. સેમિફાઇનલમાં હારનારી ટીમને રૂ. ૫.૫ કરોડ મળશે. લીગ મેચો બાદ બહાર થયેલી ટીમોને ૭૦-૭૦ લાખ રૂપિયા મળે છે.
બહાર ફેંકાયેલી ટીમે કેટલી કમાણી કરી?

Image result for pakistan cricket team

•    પાકિસ્તાન- ૯ મેચઃ પાંચ જીત, ત્રણ પરાજય અને એક મેચ વરસાદને કારણે રદ થઈ. પાંચ મેચ જીતવા બદલ પાકિસ્તાનને ૧.૪૦ કરોડ રૂપિયા, વરસાદને કારણે રદ થયેલી મેચ બદલ લગભગ ૧૩.૫૦ લાખ રૂપિયા અને લીગ મેચના ૭૦ લાખ મળીને કુલ ૨.૨૩ કરોડ રૂપિયા મળ્યા.
•    શ્રીલંકા-૯ મેચઃ ત્રણ જીત, ચાર  હાર અને બે મેચ વરસાદને કારણે રદ થઈ. શ્રીલંકાને લગભગ ૧.૭૨ કરોડની કમાણી થઈ.
•    દક્ષિણ આફ્રિકા-૯ મેચઃ ત્રણ જીત, પાંચ હાર અને એક-એક મેચ વરસાદને કારણે રદ થઈ. દ. આફ્રિકાને લગભગ ૧.૬૮ કરોડની કમાણી થઈ.
•    બાંગ્લાદેશ-૯ મેચઃ ત્રણ જીત, પાંચ હાર અને એક-એક મેચ વરસાદને કારણે રદ થઈ. બાંગ્લાદેશને લગભગ ૧.૬૮ કરોડની કમાણી થઈ.
•    વિન્ડીઝ-૯ મેચઃ બે જીત, છ પરાજય અને એક મુકાબલો વરસાદને કારણે થયો. છેલ્લા નંબરે રહીને પણ વિન્ડીઝે લગભગ ૧.૪૦ કરોડની કમાણી કરી.
•    ૭૦-૭૦ લાખ રૂપિયા લીગ રાઉન્ડથી બહાર થઈ જનારી ટીમને મળે છે.
•    ૨૮-૨૮ લાખ રૂપિયા લીગ રાઉન્ડમાં મેચ જીતવા બદલ દરેક ટીમને મળે છે.
•    ૧૪-૧૪ લાખ રૂપિયા મેચ રદ થવાને કારણે દરેક ટીમને મળે છે.

જોવા જેવું વધુ જુઓ

બ્રેકિંગ ન્યૂઝ