WC 2019 / શું વર્લ્ડકપમાંથી પાકિસ્તાન Out! સોશિયલ મીડિયા પર વાયરલ મીમ્સ જોઇ તમે નહીં રોકી શકો હાસ્ય

ક્રિકેટ વિશ્વકપમાં પાકિસ્તાન આજે પોતાની અંતિમ મેચ બાંગ્લાદેશ (bangladesh) સામે રમી રહ્યું છે. પાકિસ્તાન (pakistan) ની સેમી ફાઈનલમાં રમવાની આશા લગભગ ખતમ થઈ ગઈ છે. હવે કોઈ ચમત્કાર જ તેને સેમી ફાઈનલ સુધી પહોંચાડી શકે છે. પાકિસ્તાન સેમી ફાઈનલમાં ત્યારે જ પ્રવેશી શકશે જ્યારે તે 400 રનનો સ્કોર કરે અને બાંગ્લાદેશને માત્ર 84 રનમાં ઓલઆઉટ કરી દે. જો કે પાકિસ્તાન માટે હવે આ વાત અશક્ય છે. લોકો પાકિસ્તાનની ટીમ પર અલગ અલગ મીમ્સ (funny memes) વાયરલ કરીને મજાક ઉડાવી રહ્યાં છે.

ટોસ જીતીને બેટિંગ કરવા ઉતરેલી પાકિસ્તાનની ટીમને શરૂઆતમાં જ ઝટકો લાગી ગયો. ઓપનર ફખર જમાન ફક્ત 13 રન બનાવીને પેવેલિયન પરત ફર્યા. ફખર જમાનનાં આઉટ થતાં જ ક્રિકેટ ચાહકોએ પાકિસ્તાનની ટીમનાં પ્રદર્શન અને કપ્તાન સરફરાજનાં 500 રન બનાવવાના દાવાની મજાક ઉડાવવા લાગ્યા છે. ફખર જમાનને દર્શાવતા એવા એવા મીમ્સ વાયરલ થઈ રહ્યાં છે જેને જોઈને તમે તમારું હાસ્ય રોકી નહીં શકો. ફખર જમાન જલ્દી આઉટ થવા પર અને પાકિસ્તાનની ટીમની સ્થિતિને લઈને એક ટ્વિટર યૂઝર્સે ફિલ્મ તનૂ વેડસ મનૂનાં એક સીનને શેયર કર્યો જેમાં લખવામાં આવ્યું હતું કે, `હજુ તો અમારે વધારે વધારે શરશમદુ થવાનું છે.'

તો એક બીજા ટ્વિટર યૂઝર્સે ફિલ્મ મુન્નાભાઈ એમબીબીએસનાં એક સીનને શેર કરીને ફખર જમાનની એકદમ ટૂકી ઈનિંગની મજાક ઉડાવી છે. એ સીનમાં અરસદ વારસી એવું કહેતા નજર આવે છે કે, `આ તો શરૂ થતાં જ ખતમ થઈ ગયું'. તો આ તરફ બાંગ્લાદેશ સામે પાકિસ્તાની ટીમની પ્લાનિંગને જોતાં નિખિલ કશ્યપ નામનાં એક ટ્વિટર યૂઝર્સે ફિલ્લ હેરાફેરીનો એક સિન શેર કર્યો. જેમાં સરફરાઝ પ્લાન બનાવી રહ્યો છે કે, પહેલા બેટિંગ કરીને 400  રન બનાવીશું અને પછી બાંગલાદેશની ટીમને ડ્રેસિંગ રૂમમાં બંધ કરી દઈશું.

ત્યાં મલિક નામનાં એક ટ્વિટર યૂઝર્સે બોટલનાં ઢાંકણને ખોલનારા ઓપનરની તસ્વીરને શેર કરીને લખ્યું કે, તો પછી ફખર જમાનથી વધારે સારો ઓપનર તો આ છે. તો એક ટ્વિટર યૂઝર્સે ફિલ્મ લગાનનાં સીનને શેર કર્યો છે. જેમાં ભૂરા નામનાં પાત્રની બેટિંગની તુલના પાકિસ્તાનનાં બેટ્સમેનો સાથે કરવામાં આવી છે અને લખવામાં આવ્યું છે કે, કેપ્ટન સરફરાઝને આજની મેચ માટે આ પ્લેયર લાવવો જોઈએ.

ત્યાં ફખર જમાનનાં જલ્દી આઉટ થવા પર ચૌધરી નબીલ નામનાં એક ટ્વિટર યૂઝર્સે પાકિસ્તાન એરલાઈન્સની એક તસ્વીર શેર કરીને લખ્યું છે કે, ફખર જમાન એરપોર્ટ પહોંચનારા પહેલા ખેલાડી બની ગયા છે. તો હસન નામનાં એક ટ્વિટર યૂઝર્સે એક પ્રાણી દ્વારા બળજબરી પૂર્વક ગેટની અંદર ઘુસવાની કોશિશ કરતી તસવીર શેર કરીને તેની તુલના પાકિસ્તાનના કેપ્ટન સરફરાજ સાથે કરતાં લખ્યું કે, ટોસ જીત્યા બાદ સરફરાજ સેમિફાઈનલમાં ઘુસવાની કોશિશ કરી રહ્યો છે.

તો બીજા એક ટ્વિટર યૂઝર્સે ફખર જમાનની ચિલ્લાતી તસવીર શેર કરીને લખ્યું કે, જમાન ફક્ત 287 રનથી પોતાની ત્રિપલ સેન્ચુરી ચૂકી ગયો. તો આ તરફ મેથુન નામના એક ક્રિકેટ ચાહકે સરફરાજના 500રન બનાવવાના દાવા  પર ચુટકી લેતા લખ્યું કે, 9 ઓવરમાં 30  રન, જરૂરી રનરેટ 11.2 રન પ્રતિ ઓવર. પાકિસ્તાન પહેલી એવી ટીમ છે જેને  પ્રથમ બેટિંગ કરતી વખતે પણ જરૂરી રનરેટનો પડકાર કાયમ સતાવે  છે. .આવા અનેક  પ્રકારના મીમ્સ સોશિયલ મીડિયા પર વાયરલ થઈ રહ્યાં છે અને પાકિસ્તાની ટીમની ફજેતી કરી રહ્યાં છે.