દરોડો / બોપલમાંથી વર્લ્ડ કપ પર સટ્ટો રમાડતા બુકીની ધરપકડ

બોપલ પોલીસ ટીમને બાતમી મળી હતી કે સાઉથ બોપલ વિસ્તારમાં  આવેલ સફલ પરિસર-૧ના બી-૧૦૩ નંબરના ફ્લેટમાં એક વ્યક્તિ આઈસીસી ક્રિકેટ વર્લ્ડ કપ-ર૦૧૯ની ગઈ કાલે ઇન્ડિયા અને બાંગ્લાદેશની ટીમ વચ્ચે રમાઈ રહેલી મેચ પર સટ્ટો રમાડી રહ્યો છે, જેના આધારે બોપલ પોલીસની ટીમે ગઈ કાલે દરોડો પાડી મનોજસિંગ પ્રહ્લાદસિંગ તોમર નામની વ્યક્તિને ફ્લેટમાંથી ઝડપી લીધી હતી.

પોલીસ તપાસમાં તેની પાસેથી મોબાઈલ ફોન, ક્રિકેટ  સટ્ટાના ભાવતાલ લખેલો મોબાઈલ મળી આવ્યો હતો. મનોજસિંગની પૂછપરછ કરતાં ક્રિકેટ સટ્ટાનું ક‌િટંગ ઇન્ટરનેટ દ્વારા www.Bro4net.com  પરથી હાર-જીતનો સટ્ટો રમાડતો હતો, જેથી પોલીસે મોબાઈલ ફોન સહિતનો મુદ્દામાલ કબજે કરી વધુ તપાસ હાથ ધરી છે.

જ્યારથી વર્લ્ડકપ ટુર્નામેન્ટનો પ્રારંભ થયો છે ત્યારથી બુકીઓ સટ્ટો લગાડવા સક્રિય થઈ ગયા હતા. ત્યારે શહેરમાંથી ઘણા બુકીઓએ ખેલાડીઓ પર તેમજ મેચ પર સટ્ટાના ભાવ નક્કી કરી દીધા હતા. 

ભાવતાલ મુજબ અલગ અલગ જગ્યાઓ પરથી અને અલગ અલગ મોબાઈલ મારફતે સટ્ટો લગાવતા હતા. બીજી બાજુ પોલીસ પણ આવા સટોડિયાઓને ઝડપી પાડવા ચક્રો ગતિમાન 
કર્યા હતા.