WC 2019 / ભારતને સેમી ફાઈનલમાં પહોંચવા આટલી મૅચ જીતવી જરૂરી, જુઓ અન્ય ટીમોનું પણ ગણિત

એતિહાસિક લોર્ડ્સના મેદાન પર રવિવારે પાકિસ્તાનની સામે હાર્યા પછી સાઉથ આફ્રિકાની વર્લ્ડ કપમાંથી વિદાય થઇ ગઇ. આ સાથે જ પાકિસ્તાનને સેમિફાઇનલમાં ક્વૉલિફાય કરવાની પોતાની આશા જીવંત કરી દીધી છે. લોર્ડ્સના ઇંગ્લેન્ડ સામે હાર્યા પછી શ્રીલંકા હજુ પણ રેસમાં છે. ટૂર્નામેન્ટમાં બની રહેવા માટે સંઘર્ષ કરી રહેલી આ ટીમો સિવાય બીજી ટીમ એવી છે જે મબૂત સ્થિતિમાં છે અને સેમિફાઇનલમાં જગ્યા બનાવતી જોવા મળી રહી છે. પરતુ જોકે ક્રિકેટ અનિશ્ચિતતાથી ભરેલી રમત છે, એટલા માટે છેલ્લી મેચ સુધી કંઇ પણ થઇ શકે છે. 

ન્યૂઝીલેન્ડ અને ટીમ ઇન્ડિયા અત્યાર સુધી ટૂર્નામેન્ટમાં અત્યાર સુધી એક પણ મેચ નથી હારી. ટીમ ઇન્ડિયાએ અત્યાર સુધી 5 મેચ રમ્યા જેમાં 4 જીત મેળવી, ત્યારે ન્યૂઝીલેન્ડે 6 મેચ રમી અને 5 મેચમાં જીત મેળવી. બંને વચ્ચે મેચ વરસાદને કારણે રદ્દ થઇ ગઇ. હાલમાં પૉઇન્ટ ટેબલમાં ન્યૂઝીલેન્ડ ટોપ પર છે જ્યારે ટીમ ઇન્ડિયા 9 પૉઇન્ટની સાથે ત્રીજા સ્થાન પર છે. ઓસ્ટ્રેલિયા 10 પૉઇન્ટ્સની સાથે બીજા નંબર પર છે. ન્યૂઝીલેન્ડને હવે માત્ર 1 મેચ જીતવાની છે અને ટીમ ઇન્ડિયાને 2 મેચ જીતવાની છે તો સેમિફાઇનલમાં તેઓનુ સ્થાન પાક્કુ થઇ જશે.

વિરાટ કોહલીની કેપ્ટન્સની વાળી ટીમ ઇન્ડિયાને ઇંગ્લેન્ડ, વેસ્ટ ઇન્ડિઝ, શ્રીલંકા અને બાંગ્લાદેશ વિરુદ્ઘ મેચ રમવાની છે જેમાંથી 2 પણ જીતશે તો સેમિફાઇનલમાં પોતાનું સ્થાન પાક્કુ કરી લેશે.

ઓસ્ટ્રેલિયાની વાત કરવામાં આવે તો અત્યાર સુધી એકમાત્ર હાર ટીમ ઇન્ડિયા વિરુદ્ઘ મળી છે, ટીમે 6 મેચ રમી અને 5 જીતી. ટીમના ખિલાડીઓ ફોર્મમાં છે. હવે તેમણે ઇંગ્લેન્ડ, ન્યૂઝીલેન્ડ અને સાઉથ આફ્રિકા વિરુદ્ઘ રમવાની છે. માત્ર 1 મેચ જીતીને સેમિફાઇનલમાં પોતાની જગ્યા પાક્કી કરવાની છે. જો ટીમ 10 પૉઇન્ટ જ રહી જશે તો શ્રી લંકાને આશા કરવી પડશે કે તે બાંગ્લાદેશ અને પાકિસ્તાન વિરુદ્ઘ મેચ કોઇ હારી જાય. 

દુનિયાની નંબર 1 વનડે  ઇંગ્લેન્ડ ટીમને આ ટાઇટલ માટે પ્રબળ દાવેદાર માનવામાં આવી રહી છે જોકે પાકિસ્તાન અને શ્રીલંકા સામે હાર મળી હતી. હજુ તેણે ટીમ ઇન્ડિયા, ન્યૂઝીલેન્ડ અને ઓસ્ટ્રેલિયા સામે મેચ રમવાની છે. ત્રણ ટીમ શાનદાર ફોર્મમાં છે જો ઇંગ્લેન્ડ કોઇ પણ મેચ ના જીતે તો 8 પૉઇન્ટની સાથે બહાર થવુ પડશે.

એટલુ જ નહી, જો ઇંગ્લેન્ડ પોતાની આગામી 3માંથી 1 મેચ જીતી લે તો પણ તેનું ક્વૉલિફિકેશન પાક્કુ નહી થાય. જો શ્રીલંકા પોતાની આગામી 3 મેચ જીતી લે તો 12 પૉઇન્ટની સાથે ઇંગ્લેન્ડને પૉઇન્ટ ટેબલ ર પાછળ છોડી ક્વૉલિફાઇ થઇ શકે છે. જોકે શ્રીલંકા મેચ હારી જાય અથવા તો પાકિસ્તાન કે બાંગ્લાદેશને ઓછામાં ઓછી 2 મેચમાં હાર મળે અથવા તો વેસ્ટ ઇન્ડિઝ 1 મેચમાં હાર મેળવે તો ઇંગ્લેન્ડ સેમિફાઇનલમાં આવી શકે છે.