ક્રિકેટ વર્લ્ડકપ 2019 માટે ભારતીય ટીમ 22 મેના રોજ ઈગ્લેન્ડ માટે રવાના થઈ રહી છે. આ પહેલા ભારતીય ટીમના દરેક ખેલાડીએ આઈપીએ ટુર્નામેન્ટ રમી હતી. એ પહેલા ટીમ ઈન્ડિયા ઓસ્ટ્રેલિયા, આયરલેન્ડ, ઈગ્લેન્ડ અને ન્યૂઝીલેન્ડના પ્રવાસે હતી. બસ ત્યારથી ભારતીય ટીમના ખેલાડીઓ સતત મેચ રમી રહ્યા છે. હવે BCCI ખેલાડીઓનો વર્કલોડ જાણવા માટે વર્લ્ડકપમાં એક હાઈટેક ડિવાઈસનો પ્રયોગ કરવા માટે જઈ રહી છે.
વર્ષ 1992માં થર્ડ એમ્પાયર, વર્ષ 2008માં DRS અને પછી LED સ્ટમ્પ જેવા કેટલાય બદલાવ કરવામાં આવ્યા હતા. દરેક વખતે એક હાઈટેક પોલીસી અપનાવવામાં આવી હતી. જેથી પરિણામ ગણતરીની સેકન્ડમાં મળી જતું હોય છે. હવે આવું જ એક હાઈટેક ડિવાઈસ પહેરીને ખેલાડીઓ વર્લ્ડકપ માટે મેદાને ઊતરશે. જેથી ખેલાડીઓનો વર્કલોડ જાણી શકાશે. તા. 30 મેથી વર્લ્ડકપ શરુ થઈ રહ્યો છે.
ખેલાડીઓના ટી-શર્ટની અંદર ઈગ્લેન્ડની કંપનીએ તૈયાર કરેલું આ ડીવાઈસ લગાવેલું હશે. જે ખેલાડીની ફીટનેસ અને વર્કલોડની માહિતી આપશે. BCCI અને ઈગ્લેન્ડની આ કંપની વચ્ચે ડીલ થઈ ચૂકી છે. આ ડિવાઈસનો ડેમો ગત વર્ષે BCCIએ ખેલાડીઓને આપ્યો હતો. ઈન્ડિયા પહેલા આ ડીવાઈસનો ઉપયોગ ઈગ્લેન્ડ, ઓસ્ટ્રેલિયા અને શ્રીલંકા જેવી ટીમે કરી દીધો છે. આ ડિવાઈસ શરીર સાથે જોડાયેલી દરેક માહિતી આપશે.
ઈન્ડિયના ખેલાડીઓ દુનિયાના સૌથી વધુ મહેનત કરતા એથ્લેટ છે. જેથી વર્કલોડ માપવો અનિવાર્ય છે. ડિવાઈસનું GPS સિસ્ટમ ખેલાડીના ફીટનેસની સાથે શરીરની દરેક ગતિવિધીઓને ટ્રેક કરશે. જેમાં અંતર, સ્પીડ, રનિંગ અને ડાયનામાઈક સ્ટ્રેસનો સમાવેશ થાય છે. ડિવાઈસ પરથી જે તે ખેલાડીને ટ્રેનરની મદદ મળી રહેશે. પછી જાણી શકાશે કે, ક્યા ખેલાડીને આરામની જરુર અને કોણ ઘાયલ થયુ છે.