WC 2019 / સેમીફાઈનલની 4 ટીમોની થઈ ગઈ જાહેરાત, આ ટીમના ખુલી ગયા નસીબ

ન્યૂ દિલ્હીઃ આઈસીસી ક્રિકેટ વર્લ્ડ કપ 2019 (ICC Cricket World Cup 2019) સેમિ ફાઇનલ્સ (Semi Finals) રમનારી 4 ટીમો જાહેર કરી દેવામાં આવી છે. ઈંગ્લેન્ડ અને વેલ્સમાં રમાયેલી વર્લ્ડકપની 12મી સીઝનની પ્રથમ સેમિ ફાઇનલ 9 જુલાઈનાં રોજ અને બીજી 11 જુલાઈનાં રોજ સેમિફાઇનલ રમાશે. જો કે, સેમિફાઇનલમાં હજી સુધી એ નક્કી નથી થયું કઇ-કઇ ટીમ કોની કોની સાથે.

2019ની વર્લ્ડકપની સેમિ-ફાઇનલમાં પહોંચનાર ટીમોમાં ઓસ્ટ્રેલિયા, ભારત, ઇંગ્લેન્ડ અને ન્યુઝીલેન્ડની ટીમનો સમાવેશ થાય છે. ઓસ્ટ્રેલિયા, ભારત અને ઇંગ્લેન્ડે 12 પોઇન્ટ મેળવ્યાં બાદ ટીમ સેમિફાઇનલમાં પહોંચી છે. બીજી બાજુ ન્યૂઝીલેન્ડ તેનાં સારા નસીબનાં આધારે 11 પોઇન્ટ સાથે સેમિફાઇનલમાં રમશે. ન્યુઝીલેન્ડ વર્લ્ડકપ 2019નાં સેમિફાઇનલમાં પહોંચનારી ચોથી ટીમ બની છે.

New Zealand have QUALIFIED for #CWC19 semi-finals! pic.twitter.com/KCi4ISclqQ

— Cricket World Cup (@cricketworldcup) July 5, 2019

વર્લ્ડકપ 2019નાં સેમિફાઇનલને માટે પ્રથમ ડિફેંડિંગ વર્લ્ડ કપ ચેમ્પિયન ઑસ્ટ્રેલિયાએ જગ્યા બનાવી હતી. ત્યાર બાદ ટીમ ઇન્ડિયા સેમિફાઇનલ માટે લાયક બની. પછી ત્રીજા ક્રમે વર્લ્ડકપની હોસ્ટ ટીમ ઈંગ્લેન્ડે સેમિફાઇનલમાં પોતાનું સ્થાન બનાવ્યું. ત્યાર બાદ હવે ન્યૂઝીલેન્ડ 11 અંકો સાથે સેમિફાઇનલમાં ઉત્તમ નેટ રન રેટ સાથે પહોંચી ગઇ છે.

પાકિસ્તાન પાસે વર્લ્ડકપ 2019નાં સેમિફાઇનલમાં પહોંચવાનો અંતિમ મોકો હતો. હકીકતમાં લોર્ડ્સનાં મેદાન પર બાંગ્લાદેશ વિરૂદ્ધ 315 રન બનાવ્યા બાદ પાકિસ્તાનને બાંગ્લાદેશની ટીમે 7 રનથી ઓછા પર ઓલ આઉટ કરવાનું હતું કે જે સંભવ ના થઇ શક્યું. બાંગ્લાદેશે બીજી ઓવરમાં 8મો રન બનાવતા જ પાકિસ્તાનને બહાર કરી દીધું. એવામાં ન્યુઝીલેન્ડની ટીમ સેમિફાઇનલમાં પ્રવેશ કરી ગઇ.

વર્લ્ડકપ 2019નાં સેમિફાઇનલમાં પહોંચનારી 4 ટીમઃ

ઓસ્ટ્રેલિયાઃ 14 અંક

ભારતઃ 13 અંક

ઇંગ્લેન્ડઃ 12 અંક

ન્યૂઝીલેન્ડઃ 11 અંક