WC 2019 / પાકિસ્તાને હારની પરંપરા રોકી, ઇંગ્લેન્ડને 14 રને આપ્યો પરાજય

પાકિસ્તાને પ્રથમ  બેટિંગ કરતાં બેટસમેનોના શાનદાર સંયુક્ત પ્રદર્શનના આધારે 50 ઓવરમાં 8 વિકેટના નુકસાન પર 348 રનનો વિશાળ સ્કોર ઉભો કર્યો હતો. ઇંગ્લેન્ડની હાલની ટીમનો રનચેઝનો રેકોર્ડ જોતાં એવુ લાગતું હતું કે આસાનીથી વિજય પ્રાપ્ત કરી લેશે. પરંતુ પાકિસ્તાનની ટીમના બોલરના પ્રદર્શન સામે ઇંગ્લેન્ડની ટીમ 50 ઓવરમાં 9 વિકેટના નુકસાન પર 50 ઓવરમાં 334 રન જ બનાવી શકી.
 

પાકિસ્તાન તરફથી મેન ઓફ ધ મેચ મોહમ્મદ હાફીઝે 84, બાબર આઝમે 63, સુકાની સરફરાઝ અહમદે 55 રનની શાનદાર ઇનિંગ્સ રમી. જ્યારે યજમાન ઇંગ્લેન્ડની ટીમ તરફથી રૂટે 107 અને બટલરે 103 રન  બનાવ્યાં. આ બંને ખેલાડી જ્યાં સુધી વિકેટ પર હતા ત્યાં સુધી ઇંગ્લેન્ડની જીત પાકી માનવામાં આવી રહી હતી.
 

પરંતુ જેવા આ બંને ખેલાડીઓ આઉટ થઇ ગયા જીતનું પલડુ પાકિસ્તાન તરફ થઇ ગયું.  પાકિસ્તાનની જીતમાં ફાસ્ટ બોલર મોહમ્મદ આમિર અને વહાબ રિયાઝની મહત્વની ભૂમિકા રહી. આ બંને ખેલાડીઓએ અંતિમ ઓવરોમાં શાનદાર પ્રદર્શન કરતા પાકિસ્તાને મેચ જીતી.

વહાબે ત્રણ વિકેટ જ્યારે આમિરે બે વિકેટ ઝડપી હતી. ઉલ્લેખનીય છે કે પાકિસ્તાને ઇંગ્લેન્ડ સામે 8 વિકેટના નુકસાન પર 348 રન બનાવ્યાં હતા, જે આ ટૂર્નામેન્ટમાં વ્યક્તિગત સદી વગરનો સર્વોચ્ચ સ્કોર છે.