મિશન વર્લ્ડ કપ પહેલા ટીમ ઇન્ડિયાના ક્રિકેટર્સ વેકેશન પર છે. ક્રિકેટર્સ પરિવાર અને દોસ્તો સાથે રજાની મજા માણી રહ્યા છે. IPL પૂરી થયા પછી ક્રિકેટર્સને આરામ કરવાનું કહેવામાં આવ્યુ છે. રજા મળી તો આ ક્રિકેટર્સ ફરવા માટે નીકળી ગયા છે.
જુઓ કયા ક્રિકેટર્સ ક્યાં વેકેશન માણી રહ્યા છે...
ટીમ ઇન્ડિયાનો કેપ્ટન વિરાટ કોહલી પોતાની પત્ની અનુષ્કા શર્મા સાથે ગોવામાં રજા માણી રહ્યો છે. સોશ્યલ મીડિયા પર એક ફેન પેજ દ્વારા આ ફોટો શૅર કરવામાં આવ્યો હતો. આ ફોટોમાં કપલ એક દોસ્તની સાથે જોવા મળી રહ્યુ છે.
ટીમ ઇન્ડિયાના ઑપનર રોહિત શર્મા પોતાના પરિવાર સાથે માલદીવના વેકેશન પર છે, તેણે સોશ્યલ મીડિયા પર પોતાના વેકેશનની કેટલીક ફોટોઝ શૅર કરી છે, જેમાં તે પોતાના પરિવારની સાથે મસ્તી કરતો જોવા મળી રહ્યો છે.
ટીમ ઇન્ડિયાના યુવા સ્ટર લેગ સ્પિનર યુજવેન્દ્ર ચહલ ગોવામાં રિલેક્સ કરી રહ્યો છે. ચહલે ઇન્સ્ટાગ્રામ એક ફોટો શૅર કરી છે જેમાં તે એકદમ કેઝ્યૂલ મૂડમાં જોવા મળી રહ્યો છે.
ટીમ ઇન્ડિયાના ગબ્બર એટલે કે શિખર ધવન IPL પછી તણાવ દૂર કરવા માટે વાંસળી શીખી રહ્યો છે, તેણે સોશ્યલ મીડિયા પર પોતાના વેકેશનની એક ફોટો શૅર કરી છે. જેમાં તે ગુરુદ્વારામાં માથું નમાવતો જોવા મળે છે.
તો બીજી તરફ ટીમ ઇન્ડિયાના ઑલરાઉન્ડર રવિન્દ્ર જાડેજાએ મિનિ વેકેશનની ફોટો શૅર કરી છે. જેમાં તે ગીરમાં સમય પસાર કરી રહ્યો છે, તે મસ્તીના મૂડમાં ઝાડ પરથી કેરી તોડતો જોવા મળી રહ્યો છે.