વર્લ્ડ કપમાં આજે ભારત અને ન્યૂઝીલેન્ડ વચ્ચે સેમિફાઇનલ રમાશે. ત્યારે આ મહામુકાબલાને લઇ દેશવાસીઓમાં ભારે ઉત્સાહ છે. ક્રિકેટરસિકો ભારતની જીતને લઇ આશાવાદ છે. બપોરે 3 કલાકે માંચેસ્ટરમાં મેચ શરૂ થશે જો કે આજે મેચમાં વરસાદનું વિઘ્ન નડે તેવી શક્યતા છે. જો કે ગુજરાતમાં વિવિધ શહેરોમાં ભારતની આ મેચને લઇને લોકોમાં ભારે ઉત્સાહ જોવા મળી રહ્યો છે.
ભાવનગરના સ્થાનિક ક્રિકટરોમાં ભારે ઉત્સાહ
ભારત અને ન્યૂઝીલેન્ડ વચ્ચેની સેમિફાઇનલ માટે ક્રિકેટ રસિકો તૈયાર થઇ ગયા છે. ભાવનગર શહેરના લોકોમાં આ મેચને લઇને ઉત્સાહ જોવા મળી રહ્યો છે. ત્યારે શહેરમાં રણજી ક્રિકેટર્સે પણ ભારત જીતશે તેવો વિશ્વાસ વ્યક્ત કર્યો છે. ભાવનગરમાં સ્થાનિક ક્રિકેટરોમાં આ મેચને લઇને ભારે ઉત્સાહ જોવા મળી રહ્યો છે.
સુરતવાસીઓમાં ભારતની મેચને લઇને ઉત્સાહ
આજે સવારથી જ સુરતવાસીઓમાં અનેરો ઉત્સાહ જોવા મળી રહ્યો છે. ભારત અને ન્યુઝીલેન્ડની મેચને લઈને સુરતવાસીઓમાં ભારે ઉત્સાહ જોવા મળી રહ્યો છે. સુરતના ક્રિકેટરસિયાઓમાં જાણે ભારતની જીતનું અત્યારથી જ સેલિબ્રેશન કરતા જોવા મળ્યા. ભારતની મેચને લઈને યુવાનોએ ટેટુ દોરાવીને મેચ નિહાળવાની તૈયારી ધામ ધુમથી કરી રહ્યા છે. આ સાથે જ એવી આશા પણ વ્યક્ત કરી કે, આ ખુશી તો ભારતની જીત માટેની છે. તેમને વિશ્વાસ છે કે, ભારત ન્યુઝીલેન્ડની સામે જીત મેળવશે.
વડોદરામાં યુવાનોમાં જોવા મળ્યો ઉત્સાહ...
આજે ભારત અને ન્યૂઝીલેન્ડ વચ્ચે સેમિફાઇનલ મેચ રમાવાની છે ત્યારે વડોદરામાં યુવાનોમાં ભારે ઉત્સાહ જોવા મળી રહ્યો છે. વર્લ્ડ કપની મેચમાં સતત વિજય મેળવીને ભારતીય ટીમ પોતાનું સારું પ્રદર્શન દેખાડી રહી છે ત્યારે આજે ભારતીય ટીમના ખેલાડીઓ ન્યૂઝીલેન્ડની ટીમને ભારે પડશે તેવી વડોદરાના યુવાનો આશા રાખી રહ્યા છે. આ ઉપરાંત શહેરના યુવાનો ભારતીય ટીમના ખેલાડીઓ પોતાના શાનદાર ફોર્મથી આજે મેચ જીતશે તેવી આશા સાથે શુભેચ્છાઓ પણ પાઠવી રહ્યા છે. વડોદરાના વિદ્યાર્થીઓએ ભારતીય ટીમના ખેલાડીઓના પોસ્ટરો સાથે તેમને પ્રોત્સાહિત કરવા માટે વિવિધ કાર્યક્રમો આપ્યાં.
2019 વર્લ્ડ કપ માટે આજે ભારત અને ન્યૂઝીલેન્ડ વચ્ચે સેમિફાઈનલ મેચ રમાનાર છે..ત્યારે સટ્ટા માર્કેટમાં પણ ઈન્ડિયા હોટ ફેવરિટ છે. બન્ને ટીમ પર આજે 1 હજાર કરોડનો સટ્ટો રમાઈ શકે છે. તેમાં પણ ગુજરાત અને મહારાષ્ટ્રમાં 500 કરોડનો સટ્ટો રમાય તેવી સંભાવના છે.