WC 2019 / 'હિટમેન' રોહિતે પોતાની સિક્સરથી ઘાયલ થયેલી ફેનને ગિફ્ટ આપીને દિલ જીતી લીધુ

રોહિતે 92 બૉલમાં 7 બાઉન્ડ્રી અને 5 સિક્સર્સની મદદથી 104 રનની ઇનિંગ રમી. આ સાથે જ તેણે ઘણા રેકોર્ડ્સ પોતાના નામે કર્યા. જો કે રોહિત શર્મા ગઈ કાલની મેચમાં તેની ધમાકેદાર ઈનિંગ્સ ઉપરાંત બીજા એક કારણથી પણ ચર્ચામાં છે. 

મેચ પૂરી કર્યા પછી પોતાની એક ફેનને ગિફ્ટ કરી. રોહિતે ગઇ કાલે મેમચાં પાંચ સિક્સર્સ ફટાકરી તેમાંથી એક સિક્સરથી બૉલ વાગવાને કારણે ફેન ઘાયલ થઇ હતી. રોહિતે મેચ પૂરી થયા પછી આ ફેનને બોલાવીને તેણે હેટ ગિફ્ટ આપી. 

Birmingham: Rohit Sharma presented a hat with his autograph on it to a spectator Meena, who was hit by a ball when Sharma had hit a six. India defeated Bangladesh by 28 runs. #CWC19 #IndiaVsBangladesh pic.twitter.com/cFaKftSVH3

— ANI (@ANI) July 2, 2019

વાસ્તવમાં આ ફેનનું નામ મીના છે, જેને બૉલ વાગતો લાઇવ વીડિયો સ્ટેડિયમની સ્ક્રીન પર દેખાડવામાં આવ્યો. એવામાં મેચ પૂરી થયા પછી રોહિત શર્માએ પોતાના ઑટોગ્રાફવાળી પીળા રંગની હેટ ગિફ્ટ કર. હેટ ગિફ્ટ કરતા સમયે રોહિતે થોડી મસ્તી પણ કરી. હેટ મળવાથી મીનાનું દર્દ જાણે ગાયબ થઈ ગયું હતું અને તે ખુશખુશાલ જોવા મળી હતી. 

ટીમ ઇન્ડિયાએ બાંગ્લાદેશને આ રોમાંચક મેચમાં 28 રનથી હરાવીને વર્લ્ડ કપ સેમિફાઇનલમાં પ્રવેશ મેળવી લીધો છે.  ટીમ ઇન્ડિયાએ 315 રનનો ટાર્ગેટ આપ્યો હતો, પરંતુ બાંગ્લાદેશની ટીમને ટાર્ગેટ પૂરો કરવા માટે ઘણો સંઘર્ષ કરવો પડ્યો, છેવટે 48 ઑવર્સમાં 286 રનને ઑલઆઉટ થઇ ગઇ.

ટીમ ઇન્ડિયાએ વર્લ્ડ કપમાં 8માંથી 6માં જીત મેળવી છે જ્યારે 1 મેચ વરસાદને લીધે રદ્દ થઇ ગઇ છે. 13 પૉઇન્ટ્સની સાથે ટીમ ઇન્ડિયા વર્લ્ડ કપમાં સેમિફાઇનલમાં ઓસ્ટ્રેલિયા પછી આવનાર બીજી ટીમ છે.