અફઘાનિસ્તાનના બેટ્સમેન ઇરકામ અલી ખિલે વેસ્ટઇન્ડિઝની વિરુદ્ધ મેચમાં 86 રનની ઇનિંન્ગ રમી. એની સાથે જ વર્લ્ડકપમાં નાની ઉંમરમાં 80 થી વધારે રન બનાવનાર બેટ્સમેન પણ બની ગયો.
વર્લ્ડકપમાં પહેલી વખત ભાગ લઇ રહેલી અફઘાનિસ્તાનની ટીમનું ટૂર્નામેન્ટમાં પ્રદર્શન કંઇ ખાસ રહ્યું નથી. ઓપનર મોહમ્મગ શહજાદને બહાર કરવાને લઇને ટીમ વિવાદોમાં પણ રહી, તો મેદાન પર પણ એ એક પણ વખત જીતી નહીં. તેમ છતાં ટીમે કેટલીક તકે પોતાના પ્રદર્શનથી તમામને પ્રભાવિત પણ કર્યા.
વેસ્ટઇન્ડિઝ વિરુદ્ધ અફઘાનિસ્તાનની છેલ્લી લીગ મેચમાં પણ ટીમે એવું જ પ્રદર્શન કર્યું જ્યારે 312 રનોના લક્ષ્યનો પીછો કરતાં ટીમ 288 રનો સુધી પહોંચવામાં સફળ રહી, એ દરમિયાન અફઘાનિસ્તાનના બેટ્સમેન ઇકરામ અલી ખિલે સચિન તેંડુલકરનો 27 વર્ષ જૂનો રેકોર્ડ પણ તોડી નાંખ્યો.
વાસ્તવમાં અફઘાનિસ્તાનના બેટ્સમેન ઇકરામ અલી ખિલે આ મેચમાં 86 રનની ઇનિંન્ગ રમી, એની સાથે જ એ વર્લ્ડકપમાં સૌથી નાની ઉંમરમાં 80 થી વધારે રન બનાવનાર બેટ્સમેન પણ બની ગયો. ઇકરામની ઉંમર 18 વર્ષ 278 દિવસ છે. અત્યાર સુધી આ રેકોર્ડ સચિન તેંડુલકરના નામે હતો. સચિને 1992ના વર્લ્ડકપમાં ઝિમ્બાબ્વેની વિરુદ્ધ 81 રન બનાવ્યા હતા. ત્યારે એની ઉંમર 18 વર્ષ 318 દિવસ હતી.
અફઘાનિસ્તાનના વિકેટકીપર બેટ્સમેન ઇકરામ અલી વિશ્વ ક્રિકેટના દિગ્ગજ સચિન તેંડુલકરનો રેકોર્ડ તોડીને ખૂબ ખુશ છે. એ કહે છે કે હું સચિન જેવા મહાન ખેલાડી રેકોર્ડનો તોડીને ખૂબ ખુશ છું અને ખૂબ ગર્વની વાત છે.