કોરોના વાયરસના સંક્રમિતોનો આંકડો દુનિયાભરમાં ભયાનક રુપ લઇ રહ્યો છે. આજે કોરોના સંક્રમિતા આંકડાએ કાલનો પણ રેકોર્ડ તોડી નાંખ્યો છે. ગઇકાલે દુનિયામાં 1.97 લાખ નવા કોરોના દર્દી સામે આવ્યાં હતા. આજે કોરોનાના નવા દર્દીનો આંકડો 2,00,000થી વધારે જોવા મળ્યો. વર્લ્ડોમીટરના જણાવ્યાં મુજબ છેલ્લા 24 કલાકમાં દુનિયામાં 2,05,162 કેસ નોંધાયા છે.
આ એક દિવસનો અત્યાર સુધીનો સૌથી વધારે આંકડો છે. જ્યારે દુનિયામાં અત્યાર સુધીમાં કોરોનાના 1 કરોડ 9 લાખ 70 હજાર લોકો સંક્રમિત થઇ ચૂક્યાં છે, જ્યારે મૃતકોની સંખ્યા 5 લાખ 23 હજાર ઉપર પહોંચી ગઇ છે.
દુનિયામાં ક્યાં કેટલા કેસ, કેટલા મૃત્યું
અમેરિકા અત્યારે પણ કોરોનાના સૌથી વધારે પ્રભાવિત દેશોની યાદીમાં સૌથી ઉપર છે. અમેરિકામાં અત્યાર સુધીમાં 28.33 લાખ લોકો સંક્રમણનો શિકાર થઇ ગયા છે, જ્યારે 1 લાખ 31 હજારથી વધારે લોકોના મૃત્યું થયા છે. બ્રાઝિલમાં છેલ્લા 24 કલાકમાં 47, 984 કેસ નવા સામે આવ્યાં છે અને સૌથી વધારે 1277 લોકોના મૃત્યું થયા છે. બ્રાઝિલ પછી રશિયા અને ભારતમાં સંક્રમિતોની સંખ્યા દુનિયામાં સૌથી વધારે ઝડપથી વધી રહી છે.
અમેરિકામાં 2,833,698 કેસ, 1,31,418 મૃત્યું
બ્રાઝિલમાં 1,501,353 કેસ, 61,990 મૃ્ત્યું
રશિયામાં 6,61,165 કેસ, 9,638 મૃત્યું
ભારતમાં 6,27,168 કેસ, 18,225 મૃત્યું
સ્પેનમાં 2,97,183 કેસ, 28,368 મૃત્યું
પેરુમાં 2,92,004 કેસ, 10,045 મૃત્યું
ચિલીમાં 2,84,541 કેસ, 5,920 મૃત્યું
યૂકેમાં 2,83,757 કેસ, 43,995 મૃત્યું
ઇટાલીમાં 2,40,961 કેસ, 34,818 મૃત્યું
ઇરાનમાં 2,32,863 કેસ, 11,106 મૃત્યું
13 દેશમાં બે લાખ થી વધારે કેસ
બ્રાઝિલ, રશિયા, સ્પેન, યૂકે, ઇટાલી, ભારત, પેરુ, ચિલી, ઇટાલી, ઇરાન, મેક્સિકો, પાકિસ્તાન અને તર્કીમાં કોરોના કેસની સંખ્યા 2 લાખથી ઉપર પહોંચી ગઇ છે. જ્યારે જર્મની અને દક્ષિણ અરબમાં પણ 1 લાખ 90 હજારથી વધારે કેસ સામે આવ્યાં છે. ભારત દુનિયામાં સાથી વધારે કેસમાં ચોથા નંબર પર છે, જ્યારે સૌથી વધારે મૃત્યની યાદીમાં આઠમાં નંબર પર છે.