સ્પોર્ટ્સ / પહેલા ધોની, પછી હોકી ટીમ અને હવે ડી ગુકેશ, ભારતને ચેમ્પિયન બનાવતા વિદેશીની ઈનસાઈડ સ્ટોરી

ડોમ્મારાજુ ગુકેશ (ડી ગુકેશ) (Gukesh Dommaraju) ના ચેસ વર્લ્ડ ચેમ્પિયન (World Chess Championship 2024) બનવામાં સાઉથ આફ્રિકાના પેડી અપટન (Paddy Upton) નું કનેક્શન સામે આવ્યું છે. આ એ જ અપટન (Paddy Upton) છે, જે પ્રખ્યાત માનસિક અને કન્ડીશનીંગ કોચ છે. આ પહેલા પણ તેઓ 2011માં વર્લ્ડ કપ જીતનાર ભારતીય ક્રિકેટ ટીમ સાથે કામ કરી ચુક્યા છે. તો વર્ષ 2024માં પેરિસ ઓલિમ્પિકમાં બ્રોન્ઝ મેડલ જીતનારી ટીમ સાથે પણ તેઓ હતા.

View this post on Instagram

A post shared by FIDE (@fide_chess)

પેડી (Paddy Upton) એ જણાવ્યું કે કેવી રીતે ગુકેશે (D Gukesh) આ વર્લ્ડ ચેસ ચેમ્પિયનશિપ (World Chess Championship 2024) પહેલા પોતાને તૈયાર કર્યા. એક વીડિયોમાં ગુકેશે પોતે જણાવ્યું કે તેમણે આ ચેમ્પિયનશિપ માટે કેવી રીતે તૈયારી કરી, કેવી રીતે પેડીએ તેમને મેન્ટલ અને ફિઝીકલી તૈયાર કર્યા. તેઓ માનસિક રીતે મજબૂત બની ગયા.

ગુકેશે (D Gukesh) જણાવ્યું હતું કે તેઓ છેલ્લા કેટલાક મહિનાઓથી પેડી (Paddy Upton) સાથે મળીને કામ કરી રહ્યા છે. તેમણે 3 ડિસેમ્બરના રોજ શેર કરેલા આ વીડિયોમાં ફાઈનલ માટેની તૈયારી વિશે કહ્યું કે પેડી સાથે કામ કરવું ખૂબ આનંદદાયક હતું. 18 વર્ષીય ગુકેશ વર્તમાન વિશ્વ ચેમ્પિયન ડીંગ લિરેનને હરાવીને ઇતિહાસના સૌથી યુવા ચેસ ચેમ્પિયન બની ગયા.

View this post on Instagram

A post shared by PADDY UPTON (@paddyupton)

ત્યારે એક ઇન્ટરવ્યુમાં અપટને (Paddy Upton) ડી ગુકેશ વિશે કહ્યું - આખી ટૂર્નામેન્ટમાં જે રીતે તેમણે (D Gukesh) પોતાની જાતને સંભાળી, તેના પર ગર્વ થવો જોઈએ. 18 વર્ષની ઉંમરે પોતાની પ્રથમ વર્લ્ડ ચેમ્પિયનશિપ (World Chess Championship 2024) માં અસાધારણ પરિપક્વતા દર્શાવી. અમે ક્યારેય વિચાર્યું ન હતું કે તે દરેક ચાલમાં પરફેક્ટ રમશે અથવા દરેક ગેમમાં પરફેક્ટ રમશે અથવા 14 ગેમ માટે પરફેક્ટ ટુર્નામેન્ટ રમશે. આ કરવું શક્ય નથી.

પેડી (Paddy Upton) એ આ ઇન્ટરવ્યુમાં એમ પણ કહ્યું કે અમે આ વસ્તુને લઈને પણ તૈયારી કરી કે જ્યારે તેમનો વિરોધી તેની ચાલને લઈને પ્લાનિંગમાં વ્યસ્ત હોય છે, તો તેઓ પોતાની જાતને અને પોતાના મનને કેવી રીતે નિયંત્રિત કરશે.

પેડી (Paddy Upton) એ કહ્યું કે અમે તેમની રણનીતિના અન્ય પાસાઓ પર ચર્ચા કરી છે કે જ્યારે તેઓ રમતમાં આગળ હોય તો તેઓ પોતાની જાતને કેવી રીતે સંભાળશે, જ્યારે તેઓ રમતમાં પાછળ હોય અથવા જ્યારે તેઓ રમત દરમિયાન દબાણમાં હોય ત્યારે તેઓ પોતાની જાતને કેવી રીતે સંભાળશે? જ્યારે તેઓ ટુર્નામેન્ટમાં આગળ છે, જેમ કે એક રમત આગળ છે, જો તેઓ પાછળ છે, જો તેમને 6-6ની સ્થિતિ મળી છે, તો તેઓ પોતાને કેવી રીતે સંભાળશે. એટલે કે અમે દરેક પરિસ્થિતિ માટે તૈયારી કરી હતી.

ડી ગુકેશે (D Gukesh) રચી દીધો ઇતિહાસ

વર્લ્ડ ચેસ ચેમ્પિયન 2024 (World Chess Championship 2024) ની ફાઈનલ મેચ ગુરુવારે (12 ડિસેમ્બર) સિંગાપોરમાં રમાઈ. આ મેચમાં ભારતના ડી ગુકેશ (D Gukesh) નો મુકાબલો ડિફેન્ડિંગ ચેમ્પિયન ચીનના ચેસ માસ્ટર ડીંગ લિરેન સામે હતો. બ્લેક પીસ સાથે રમતા ડી ગુકેશે 14મી ગેમમાં ડીંગ લિરેનને હરાવી ટાઈટલ પર કબજો કરી લીધો. જ્યારે ગુકેશને લાગ્યું કે તેમની જીત ખૂબ નજીક છે અને તે નવા ચેમ્પિયન બનવાના છે, આ દરમિયાન તેઓ ભાવુક થઈ ગયા. તેઓ ભાવુક થઈ રડવા લાગ્યા. તેનો આ વીડિયો ખૂબ જ ચર્ચામાં છે.

પોતાની આ જીત સાથે 18 વર્ષીય ડી ગુકેશ (D Gukesh) ચેસમાં સૌથી યુવા વર્લ્ડ ચેમ્પિયન બની ગયા છે. આ ઉપરાંત, તેઓ એક રેકોર્ડના મામલે વિશ્વનાથન આનંદની ચેસ ક્લબમાં પણ સામેલ થઈ ગયા. વાસ્તવમાં, ગુકેશ વર્લ્ડ ચેસ ચેમ્પિયન બનનાર ભારતના બીજા ખેલાડી બની ગયા છે. જ્યારે વિશ્વનાથન પ્રથમ ભારતીય છે. 5 વખતના વર્લ્ડ ચેમ્પિયન વિશ્વનાથન આનંદે 2013માં છેલ્લું ટાઇટલ જીત્યું હતું. ગુકેશ પહેલાં, રશિયન લિજેન્ડ ગેરી કાસ્પારોવ સૌથી યુવા વર્લ્ડ ચેસ ચેમ્પિયન હતા, જેમણે 1985માં એનાટોલી કાર્પોવને હરાવીને 22 વર્ષની ઉંમરે આ ખિતાબ જીત્યો હતો.

આ પણ વાંચો: VIDEO: ડી ગુકેશે નાનો હતો ત્યારે કરેલી ભવિષ્યવાણી સાચી પડી, 18 વર્ષે જ સપનું કર્યું સાકાર

સૌથી યુવા વિશ્વ ચેસ ચેમ્પિયન

• ડી ગુકેશ - 18 વર્ષ 8 મહિના 14 દિવસ - 12 ડિસેમ્બર, 2024
• ગેરી કાસ્પરોવ - 22 વર્ષ 6 મહિના 27 દિવસ - 9 નવેમ્બર, 1985
• મેગ્નસ કાર્લસન – 22 વર્ષ 11 મહિના 24 દિવસ – 23 નવેમ્બર, 2013
• મિખાઇલ તાલ - 23 વર્ષ 5 મહિના 28 દિવસ - 7 મે, 1960
• એનાટોલી કાર્પોવ - 23 વર્ષ 10 મહિના 11 દિવસ - 3 એપ્રિલ, 1975
• વ્લાદિમીર ક્રેમનિક - 25 વર્ષ 4 મહિના 10 દિવસ - નવેમ્બર 4, 2000
• ઇમેન્યુઅલ લાસ્કર - 25 વર્ષ 5 મહિના 2 દિવસ - 26 મે, 1894

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ