ઓટો ન્યૂઝ / દુનિયાની સૌથી સસ્તી ઈલેક્ટ્રિક કાર ભારતમાં થશે લોન્ચ, આટલી ઓછી કિંમતમાં મળશે જબરદસ્ત ફીચર્સ

• ઓટો એક્સપો-2020માં ઈલેક્ટ્રિક ગાડીઓ થઈ લોન્ચ
• ભારતમાં આવશે દુનિયાની સૌથી સસ્તી ઈલેક્ટ્રિક કાર
• બે ઈલેક્ટ્રિક કારની સૌથી વધુ ચર્ચા 

સૌથી પહેલાં અમે તમને આ બંને કારની ચર્ચા પાછળનું કારણ જણાવીશું. મહિન્દ્રાએ દાવો કર્યો છે કે, તેની મિની ઈલેક્ટ્રિલ એસયૂવી eKUV100 દેશમાં સૌથી સસ્તી કાર હશે. જ્યારે ચીનની ઓટોમોબાઈલ્સ કંપની Great Wall Motorsએ દાવો કર્યો છે કે, દુનિયાની સૌથી સસ્તી ઈલેક્ટ્રિક કાર GWM Ora R1ને તેઓ ભારતમાં લોન્ચ કરશે. 

Mahindraની eKUV100ની કિંમત

દિલ્હીમાં ચાલી રહેલાં એક્સપો 2020માં મહિન્દ્રાએ KUV100નું ઈવલેક્ટ્રિક મોડલ eKUV100 લોન્ચ કર્યો છે. સરકારની ફેમ યોજનાનો લાભ જોડીને દિલ્હીમાં આ કારની એક્સશોરૂમ કિંમત 8.25 લાખ રૂપિયાથી શરૂ થાય છે. કંપનીનો દાવો છે કે ઈલેક્ટ્રિક સેગમેન્ટમાં આ દેશની સૌથી સસ્તી કાર છે. જ્યારે ચીનની ગ્રેટ વોલ મોટર્સ (GWM)ની Ora R1 ભારતમાં કિંમત લગભગ 6.2 લાખ રૂપિયાથી 8 લાખની વચ્ચે હોઈ શકે છે. આ કાર ચીનમાં લોન્ચ થઈ ગઈ છે. 

બંને કારનું માઈલેજ

eKUV100 એકવારમાં ફુલ ચાર્જ કરવા પર 147 કિમીનું અંતર કાપે છે. તેની બેટરી ફાસ્ટ ચાર્જરની મદદથી 1 કલાકમાં 80 ટકા ચાર્જ કરી શકે છે. જ્યારે ફુલ ચાર્જ કરવામાં 5.45 કલાકનો સમય લાગશે. ચીનની ગ્રેટ વોલ મોટર્સ (GWM)ની Ora R1 એકવારમાં ફુલ ચાર્જ કરવા પર 351 કિમીનું અંતર કાપે છે. તે માઈલેજમાં મહિન્દ્રાની ઈલેક્ટ્રિક કારથી આગળ છે. તેની બેટરીને 40 મિનિટમાં 80 ટકા ચાર્જ કરી શકે છે. ઓરાની ટોપ સ્પીડ 100 કિલોમીટર પ્રતિકલાક છે. 

I've been driving an EV for over 5 years as my primary local commute and can say with confidence that once you go electric, there's no going back.
Here's a quick look at the 4 EVS#ekuv100#exuv300#Atom#Funster pic.twitter.com/hqLX6CAA0j

— Gul Panag (@GulPanag) February 6, 2020

બંને કારના એન્જિનની ખાસિયત

મહિન્દ્રાની ઈલેક્ટ્રિક કારમાં 40kW ઈલેક્ટ્રિક મોટર લાગેલી છે. જે 54.4 એચપી પાવર અને 120 એનએમનું ટોર્ક જનરેટ કરે છે. તેમાં લિક્વિડ કૂલ્ડ બેટરી આપવામાં આવી છે. (GWM)ની Ora R1માં સિંગલ ઈલેક્ટ્રિક મોટર આપેલી છે. જે 35 કિલોવોટ કલાકની લીથિયમ ઓયન બેટરી પેક સાથે આવે છે. જે 48 બીએચપીની તાકત અને 125 એનએમનું ટોર્ક જનરેટ કરે છે.