Sunday, July 21, 2019
સબસ્ક્રાઈબ કરો VTVGujarati ન્યુઝ Whatsapp

વર્લ્ડ બેડમિન્ટન ચેમ્પિયનશિપના ફાઇનલમાં પહોંચી ભારતીય સ્ટાર શટલર પીવી સિંધુ

વર્લ્ડ બેડમિન્ટન ચેમ્પિયનશિપના ફાઇનલમાં પહોંચી ભારતીય સ્ટાર શટલર પીવી સિંધુ
ભારતીય સ્ટાર પીવી સિંધુ વિશ્વ બેડમિન્ટન ચેમ્પિયનશિપના ફાઇનલમાં પહોંચી ગઇ છે. વર્લ્ડ નંબર 3 સિંધુએ સતત બીજી વખત ફાઇનલમાં જગ્યા બનાવવા માટે સફળ રહી છે આ સાથે જ તેણે ટૂર્નામેન્ટમાં પોતાનો સિલ્વર મેડલ પાક્કો કરી દીધો છે. 

શનિવારે પીવી સિંધુએ સેમિફાઇનલમાં જાપાનની વર્લ્ડ નંબર 2 અકાને યામાગુચીને સીધી ગેમ્સમાં 21-16 24-22થી હરાવી. સિંધુ શરૂઆતમાં પાછળ હતી પણ તેણે ઝડપથી મેચમાં કમબેક કરી લીધું અને પોતાની લય મેળવી લીધી. એક સમયે તે 12-18થી પાછળ હતી પણ ત્યારબાદ તેણે હરીફને કોઈ તક આપી નહીં. તેણે સતત 7 પૉઈન્ટ્સ જીતીને 20-19ની સરસાઈ મેળવી લીધી. બંને પ્લેયર્સમાં એક-એક પૉઈન્ટ માટે સંઘર્ષ જોવા મળ્યો.આ સાથે જ સિંધુએ પોતાના કરિયરમાં યામાગુચી પર 7મી વખત જીત મેળવી જ્યારે યામાગુચીએ સિંધુની સામે 4 વખત જીત મેળવી છે.

હવે સિંધુ ફાઇનલમાં ઓલંપિક ચેમ્પિયન અને 2 વખતની પૂર્વ વર્લ્ડ ચેમ્પિયન સ્પેનની કેરોલિના મારિનની સામે રમશે. મારિને સેમિફાઇનલમાં ચીનની જ બિંગજિયાઓને 13-21 21-16 21-13 થી માત આપી.

જણાવી દઈએ કે ગત વર્ષે સિંધુ વર્લ્ડ ચેમ્પિયનશિપની ફાઈનલમાં જાપાનની નોઝોમી ઓકુહારાને 19-21 22-20 20-22થી હરાવી ટાઈટલ હારી ગઈ હતી પણ આ વખતે સિંધુએ ઓકુહારાને ક્વાર્ટર ફાઈનલમાં જ હરાવી દીધી હતી.

જોવા જેવું વધુ જુઓ

બ્રેકિંગ ન્યૂઝ