VIRAL / VIDEO: વર્લ્ડ ચેમ્પિયનશિપમાં અનોખો નજારો, બીજા દેશના ઇજાગ્રસ્ત ખેલાડીને સહારો આપીને પૂરી કરી રેસ

જોત જોતા આ ભાવનાત્કમ ક્ષણનો વીડિયો સોશ્યલ મીડિયા પર વાયરલ થઇ ગયો જેને જોઇને તમામ બ્રાઇમ ડાબોના વખાણ કરી રહ્યા છે. વર્લ્ડ ચેમ્પિયનશિપમાં 5000 મીટર દોડની છેલ્લી લેપમાં બ્રાઇમ ડાબો ટ્રેક પર બેભાન થયેલા જોનાથન બસબીને ઉઠાવીને રેસ પૂરી કરી, જોકે બંને રેસ જીતી ના શક્યા પરંતુ આ ક્ષણ જોઇને તમામ લોકો વખાણ કરી રહ્યા છે. 

Sport is about so much more than just your own performance.

👏👏 to Braima Suncar Dabo🇬🇼 and Jonathan Busby🇦🇼 at the #WorldAthleticsChamps pic.twitter.com/pYVeROMMYP

— IAAF (@iaaforg) September 27, 2019

શુક્રવારે જ્યારે ખિલાડી સ્ટેડિયમ પહોંચ્યા ત્યારે ત્યાંનું તાપમાન 37 ડિગ્રી સેલ્સિયસ હતું. આ પરિસ્થિતિમાં દોડતા એક સમયે જ્યારે જોનાથન બસબીના શરીરે જવાબ આપી દીધો અને તે ટ્રેક પર પડી ગયો. 

બંને અલગ-અલગ દેશોના ખેલાડીઓ વર્લ્ડ ચેમ્પિયનશિપમાં પોતાના દેશને ગોલ્ડ જીતાડવા માટે દોડી રહ્યા હતા પરંતુ છેલ્લે બંનેએ દુનિયાભરના તમામ ફેન્સનું દિલ જીતીને રેસ પૂરી કરી. 

રેસ પૂરી થયા પછી બ્રાઇમ ડાબોએ કહ્યુ કે, ''જે મને સાચ્ચુ લાગ્યુ તે કર્યુ, મારી જગ્યાએ કોઇ પણ વ્યકિત આ કામ કર્યુ હોય. હું બસ ઇચ્છતો હતો કે આ રેસ તે પૂરી કરે.''