સેલિબ્રેશન જિંંદગી / VIDEO: ડી ગુકેશે નાનો હતો ત્યારે કરેલી ભવિષ્યવાણી સાચી પડી, 18 વર્ષે જ સપનું કર્યું સાકાર

ચેસ વર્લ્ડ ચેમ્પિયન બન્યા બાદ ડી ગુકેશનો એક નાનપણનો વીડિયો વાયરલ થવા પામ્યો હતો. આ વીડિયોમાં ડી ગુકેશને પૂછવામાં આવ્યું હતું કે, તે મોટો થઈને શું બનવા માંગે છે. આ વીડિયો જ્યારે બનાવવામાં આવ્યો ત્યારે તેની ઉંમર 11 વર્ષ હતી. ત્યારે નાનપણથી જ તેનું સપનું સૌથી નાની વયે ચેસમાં વર્લ્ડ ચેમ્પિયન બનવાનું હતું. જે સપનું તેણે પૂર્ણ કર્યું છે.

ચેસમાં વર્લ્ડ ચેમ્પિયન બન્યાં બાદ તરત ડી ગુકેશ ટેબલ પર માથું મૂકીને રડતો જોવા મળ્યો હતો. વીડિયોમાં જોઈ શકાય છે કે વર્લ્ડ ચેમ્પિયનનો ખિતાબ જીત્યાં બાદ ગુકેશ ટેબલ પર માથું ઝૂકાવી દીધું હતું અને ભાવુક બન્યો હતો, ત્યાર બાદ તે રડતો પણ જોવા મળ્યો હતો.

પીએમ મોદીએ ડી ગુકેશને આપ્યાં સ્પેશિયલ અભિનંદન

વર્લ્ડ ચેસમાં ભારતનો તિરંગો ફરકાવનાર 18 વર્ષીય ડી ગુકેશના ભારોભાર વખાણ કરતાં પ્રધાનમંત્રી મોદીએ તેમની સિદ્ધિને બિરદાવી છે. પીએમ મોદીએ ટ્વિટ કરીને કહ્યું કે ઐતિહાસિક સિદ્ધિ બદલ ડી ગુકેશને અભિનંદન, આ ગુકેશનનું અદ્વિતિય પ્રતિભા, તનતોડ મહેનત અને દૃઢ નિશ્ચિયનું ફળ છે. તેમની જીતને કારણે ચેસના ઈતિહાસમાં તેમનું નામ જ અંકિત નથી થયું પરંતુ લાખો યુવાને મોટું સપનું જોવાની અને પાર પાડવાની પ્રેરણા મળી છે.

ડી ગુકેશ ચેસનો નવો અને સૌથી યુવા વર્લ્ડ ચેમ્પિયન

ભારતના ડી ગુકેશે ચેસની દુનિયામાં ઈતિહાસ રચ્યો છે. તે ચેસનો નવો અને સૌથી યુવા વિશ્વ ચેમ્પિયન બન્યો છે. ડી ગુકેશે ચીનની બાદશાહત ખતમ કરી છે અને તે ભૂતપૂર્વ ભારતીય ચેસ માસ્ટર વિશ્વનાથન આનંદની બરાબરી કરી ચૂક્યો છે.

ડી ગુકેશે ફાઈનલમાં ચીનના ડીંગ લિરેનને હરાવ્યો

ગુરુવારે સિંગાપોરમાં વર્લ્ડ ચેસ ચેમ્પિયનની ફાઈનલ રમાઈ હતી જેમાં ગુકેશે ચીનના 14મી ગેમમાં ડીંગ લિરેનને હરાવીને ખિતાબ કબજે કર્યો હતો.

વધુ વાંચોઃ આજથી 23 વર્ષ પહેલા..5 આતંકીઓએ 42 મિનિટ સુધી સંસદમાં ઘૂસી કર્યો હતો ગોળીબાર, દ્રશ્યો આંખ સામે તર્યા

વર્લ્ડ ચેમ્પિયન બનનાર બીજો ભારતીય ખેલાડી

ગુકેશ વિશ્વ ચેસ ચેમ્પિયન બનનાર ભારતનો બીજો ખેલાડી બની ગયો છે. જ્યારે વિશ્વનાથન પ્રથમ ભારતીય છે. 5 વખતના વર્લ્ડ ચેમ્પિયન વિશ્વનાથન આનંદે 2013માં છેલ્લું ટાઇટલ જીત્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ